Գոհ եմ, բա ի՞նչ եմ։ Ո՞նց կարաս գոհ չլինես, լրագրողի հարցին ի պատասխան՝ այսօր այսպես արձագանքեց ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը, ով ներկա էր հայկական արտադրության ռազմական տեխնիկայի ցուցահանդեսին։
«Մի չորս տարի առաջ ոչ մի բան չկար, բայց անընդհատ զարգանում է։ 44-օրյա պատերազմից հետո տղաները նվիրումով, իրենց միջոցներով այս ամենը ստեղծել են»,- ասաց նա։
Հարցին՝ հնարավո՞ր է, որ ներկայացված զինտեխնիական փորձաքննություն անցնելուց հետո ներդրվի բանակում, Անդրանիկ Քոչարյանը պատասխանեց՝ փորձաքննություն անցնելուց հետո ներկայացված զինատեսակներն անպայման կծառայեն իրենց բուն նպատակին։
«Քանի որ տարիներ շարունակ արտադրողների կողքով քայլել եմ, շատ դեպքերում չեմ կարչողանում իմ էմոցիաները զսպեմ՝ չնայած, որ պետք է զսպեմ»,- ասաց նա։
Անդրանիկ Քոչարյանը, նստելով ներկայացված զինվորական մեքենաներից մեկը, հետաքրքրվեց.
«Ի՞նչ կալիբրով պիտի կրակեն, որ ինձ հասնի»։
Նրան հավատացրեցին, որ մեքենան անխոցելի է պոտենցիալ հակառակորդի զինանոցում եղած զինատեսակների նկատմամբ։
