Շաբաթ, Հոկտեմբերի 4, 2025
Ազգ
Wildberries
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները
Ոչինչ չի գտնվել
Տեսնել բոլոր արդյունքները
Ազգ
Ոչինչ չի գտնվել
Տեսնել բոլոր արդյունքները

Գերմանիայի Հայոց Թեմի եւ Գերմանահայոց Կենտրոնական Խորհրդի Համատեղ Յայտարարութիւնը՝ ի պատասխան Հայաստանի Հանրապետութեան վարչապետ Նիկոլ Փաշինեանի վերջին շրջանում կատարած յայտարարութիւնների

11/02/2025
- ԿԱՐԵՎՈՐԸ, Նորություններ, Տեղական
Կիսվել ՖեյսբուքումԿիսվել ԹվիթերումՈւղարկել Տելեգրամով

Մամլոյ Հաղորդագրութիւն

11 փետրուարի, 2025

     Գերմանիայի Հայոց Թեմն եւ Գերմանահայոց Կենտրոնական Խորհրդը խոր մտահոգութեամբ են հետեւում ՀՀ վարչապետ Նիկոլ Փաշինեանի Հայաստանի Հանրապետութեան գաղափարական յարացոյցի փոփոխութեան վերաբերեալ վերջին շրջանում կատարած յայտարարութիւններին։ Մենք այդ գաղափարական շրջադարձն ընկալում ենք որպես աշխարհասփյուռ հայությանը պառակտելու եւ նրա հոգեւոր ու բարոյական արժեքների միասնական համակարգը վտանգելու փորձ: Կայուն, անվտանգ ու զօրեղ պետութիւն կարելի չէ հիմնել պատմական սխալ ու թերուս դատողութիւններով։

     Սովետական Միութիւնը փլուզուեց իր հիմնադրութիւնից միայն եօթը տասնամեակ յետոյ, որովհետեւ հիմնուած էր կեղծիքի ու պատրանքի վրայ։ Իրենց աւետած «նոր ադամ»-ը նոյն «հին ադամ»-ն էր՝ միայն շպարուած ու ծպտուած։ ՀՀ վարչապետի վարած «նոր» քաղաքականութիւնը նման ուղիով է ընթանում՝ սալայատակուած կեղծիքներով ու պատրանքներով։ Ըստ երեւոյթի ՀՀ վարչապետը ո՛չ ցեղասպանութիւնից է դաս քաղում, ո՛չ Սովետական Միութեան անկումից եւ ո՛չ իսկ արցախեան ողբալի պարտութիւնից։ Ըստ երեւոյթին՝ նա փորձում է իր յայտարարութիւններով, քաղաքական տեւական նահանջներով ու պահանջատիրութիւնից հրաժարուելով հաճոյանալ Ադրբէյջանին, որի տարածքային նկրտումներն ու քաղաքական ոտնձգութիւնները շարունակւում են, եւ Թուրքիային, որի հարիւրամեայ հանրապետութիւնը հիմնուած է ցեղասպանութեան ու նրա հերքման վրայ։

     Սպանութիւններն ու ցեղասպանութիւնները վաղեմութեան ժամկէտ չունեն: Ոճրագործների անպատժելիութիւնը բերում է նոր ոճիրների:

     Վախն ընդհանրապէս վատ խորհրդատու է։ Վարչապետ Նիկոլ Փաշինեանի գլխաւորութեամբ ՀՀ այսօրուայ իշխանութիւնների ներկայ կեցուածքը նպաստում է դժբախտաբար ուժեղի օրէնքին, բայց թուլացնում օրէնքի ուժը։

     Արցախը կորցնելով շարունակւում են կորուստները։ Ներկայ իշխանութիւնների հաշուարկը, թէ Արցախը կորցնելով խաղաղութիւն կը կայանայ, սխալ էր։ Նոյն միամտութիւնը նրանք շարունակում են մինչեւ այսօր՝ հրաժարուելով ամէն ուժի լծակից։

     Ադրբէյջանը ստորագրել եւ վաւերացրել է 1950 եւ 2002 թուականների Մարդու իրաւունքների եւրոպական կոնվենցիաները եւ խախտում է։

     Ադրբէյջանը ստորագրել է Միաւորուած Ազգերի կազմակերպութեան կանոնադրութիւնը եւ խախտում է։

     Ադրբէյջանը ստորագրել է 1949 թուականի Ժնեւի կոնվենցիան եւ խախտում է։

     Ադրբէյջանը ստորագրել է 1966 թուականի Քաղաքացիական եւ քաղաքական իրաւունքների միջազգային դաշնագիրը եւ խախտում է։

     ՀՀ վարչապետը իրապէ՞ս կարծում է, որ այդ պետութիւնը կը յարգի Հայաստանի Հանրապետութեան նման խեղճ ու խեղճացած պետութեան հետ կնքուած խաղաղութեան մի պայմանագիր։ Չէ՞ որ մինչեւ հիմա այդ հարեւանները ոչ մի երաշխիք չեն տուել, որ ձգտում են խաղաղութեան, այլ ընդհակառակն, ակնյայտօրէն ու անթաքոյց շարունակում են իրենց անզիջում պայքարը՝ աւարտին հասցնելու իրենց նախնիների ցեղապաշտ ու գաղութարար ծրագիրը։

     Հայաստանին պէտք է ոչ թէ ճարպիկ, այլ ուշիմ քաղաքականութիւն։ Ուշիմ, որը յուշ, յիշողութիւն ուշադրութիւն ու կշռադատութիւն է պարունակում։

  • Ուժեղն ընդլայնում է իր կարելիութիւնները, թոյլը՝ արդարացնում իր անկարողութիւնը։
  • Ուժեղն իրեն պարտադրում է ուրիշներին, թոյլը նահանջում է անընդհատ։
  • Ուժեղն արի է, իսկ թոյլը մահուան վախից ինքնասպանութիւն է գործում։

Ի՞նչ Հայաստան են ուզում Փաշինեանն ու ներկայ իշխանութիւնները՝ ուժեղ, թէ՞ թոյլ Հայաստան։ Մենք ուզում ենք ուժե՛ղ Հայաստան։

Ուստի Հայոց Մեծ Եղեռնի 110-ամեայ տարելիցի նախօրեակին կոչ ենք ուղղում նրանց`

  • Վերանայել իրենց դիտարկումներն ու դադարեցնել մեր ինքնութիւնը, միասնականութիւնն ու արժէքները ջլատող յայտարարությունները,
  • Միացեալ ուժերով դիմակայել մեր հակառակորդների ճնշումներին՝ բանիմաց դիւանագիտական եւ միջազգային դատավարական ռազմավարութեամբ,
  • Պահանջատէր լինել թէ՛ Ադրբէյջանի եւ թէ՛ Թուրքիայի նկատմամբ՝ պահելով Ցեղասպանութեան ճանաչման հարցը օրակարգում:

     Այս պարագայում մենք միշտ պատրաստ ենք աջակցել ու մեկնում ենք գործակցութեան մեր ձեռքը։

     Գերմանիայի Հայոց Թեմ                         Գերմանահայոց Կենտրոնական Խորհուրդ

ShareTweetShare
Նախորդ գրառումը

«ՀՀ ԱԺ նախագահը» հերթական անգամ թքեց՝ կրկին բոլորիս երեսին. Արտակ Բեգլարյան

Հաջորդ գրառումը

Ռուսաստանն ազատ է արձակել ԱՄՆ քաղաքացի Մարկ Ֆոգելին

Համանման Հոդվածներ

Նորություններ

Խաղաղության պայմանագիրը Սահմանադրության մասին ոչինչ չի ասում․ ՀՀ ԱԳՆ խոսնակ

04/10/2025
ԿԱՐԵՎՈՐԸ

Խոստանում եմ ավելի մեծ վտանգ լինել իրենց համար այժմ, քան էի մինչեւ այսօր. Միքայել Արքեպիսկոպոս Աջապահյանի նամակը՝ մեկուսարանից

04/10/2025
Նորություններ

Գերշ․ Տ․ Միքայել արք․ Աջապահյանին ազատազրկելու վերաբերյալ անարդար դատավճիռը քաղաքական հաշվեհարդարի հերթական ապացույցն է. Շիրակի թեմ

04/10/2025
Նորություններ

Այսօր արձանագրում ենք չլսված հարձակում ազգային ինքնության, Հայ Առաքելական Սուրբ Եկեղեցու դեմ. Հայոց համազգային միասնություն» կուսակցություն

04/10/2025
Հաջորդ գրառումը

Ռուսաստանն ազատ է արձակել ԱՄՆ քաղաքացի Մարկ Ֆոգելին

Արխիվ

Loading...
«Հոկտեմբերի 2025»
Երկ Երք Չրք Հնգ Ուր Շբթ Կիր
 12345
6789101112
13141516171819
20212223242526
2728293031  
« ՍեպտեմբերիՆոյեմբերի »

Վերջին լուրեր

Նորություններ

Խաղաղության պայմանագիրը Սահմանադրության մասին ոչինչ չի ասում․ ՀՀ ԱԳՆ խոսնակ

04/10/2025

Հայաստանում ապրող երիտասարդությունը ցանկանում է տեսնել բարգավաճ Հայաստան, ցանկանում է տեսնել մի Հայաստան, որը կապրի ոչ թե հակամարտության մեջ, այլ...

ԿարդալDetails

Խոստանում եմ ավելի մեծ վտանգ լինել իրենց համար այժմ, քան էի մինչեւ այսօր. Միքայել Արքեպիսկոպոս Աջապահյանի նամակը՝ մեկուսարանից

04/10/2025

Գերշ․ Տ․ Միքայել արք․ Աջապահյանին ազատազրկելու վերաբերյալ անարդար դատավճիռը քաղաքական հաշվեհարդարի հերթական ապացույցն է. Շիրակի թեմ

04/10/2025

Այսօր արձանագրում ենք չլսված հարձակում ազգային ինքնության, Հայ Առաքելական Սուրբ Եկեղեցու դեմ. Հայոց համազգային միասնություն» կուսակցություն

04/10/2025

Հոգևոր առաջնորդի դեմ նման անարդար հաշվեհարդարը բարոյականության և արդարության ոտնահարման կոպտագույն օրինակ է․ Հայոց եկեղեցու պահպանության համահայկական խորհուրդ

04/10/2025
logo-white1
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։

©2024 «ԱԶԳ» վերլուծական

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

Ոչինչ չի գտնվել
Տեսնել բոլոր արդյունքները
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները

© 2025 «ԱԶԳ» վերլուծական