Բնությունը չէր կարող «ստեղծել» կորոնավիրուսը առանց մարդու մասնակցության, գտնում է Գամալեայի համաճարակաբանության և մանրէաբանության ազգային հետազոտական կենտրոնի ռուսաստանցի գիտնական-վիրուսաբան Ֆելիքս Երշովը:
Չինական լաբորատորիայում «անվտանգության ռեժիմը խստորեն չի պահպանվում», ասել է նա: Աշխատակիցը կարող էր իրեն ներարկել ու թաքցնել այդ փաստը, որից հետո կարող էր վարակել Ուհանի բնակիչներին:
Երշովը նշել է, որ աշխարհում կան լաբորատորիաներ, որտեղ «ատոմային ռումբից ավելի սարսափելի վիրուսներ» են մշակվում և հետազոտվում: Դրանք կարող են ոչնչացնել մոլորակի ամբողջ բնակչությունը:
COVID-19-ի համաճարակը դարձավ մի տեսակ նախազգուշացում: Սա հիմք է նման հաստատություններում անվտանգության միջոցառումներն ուժեղացնելու համար:
