Դատավոր Կարեն Ֆարխոյանի վճռով «18 արդարների» գործով անցնող Արմեն Ալեքսանյանի նկատմամբ խափանման միջոց կալանքը փոխարինվեց տնային կալանքով և բացակայելու արգելքով։
Տնային կալանքը կկիրառվի 3 ամսով՝ նոյեմբերի 25-ից, երբ լրանա Արթուր Ալեքսանյանի բանտարկության ժամկետը։
Շենգավիթի դատարանում ընթացող «18 արդարների» դատավարության ժամանակ մեղադրող կողմն Արմեն Ալեքսանյանի խափանման միջոց կալանքը 3 ամսով երկերացնելու միջնորդություն ներկայկացրեց, սակայն փաստաբան Ալեքսանդր Կոչուբաևը դատարանին ներկայացրեց Արմեն Ալեքսանյանի ընտանեկան վիճակը՝ 3 անչափահաս երեխա, հաշմանդամ հայր։ Ընտանիքի միակ կերակրողը Արմենն է, որը հունիսի 26-ից կալանավորված է։ Ընտանիքն արդեն 5 ամիս զրկված է իր կերակրողից, իսկ անչափահաս երեխաները հոգեբանական տրավմայի են ենթարկվում հոր բացակայության պատճառով։
Կոչուբաևը խնդրեց դատարանին տնային կալանքը կիրառել ծայրահեղ դեպքում. խափանման միջոց կալանքը փոխարինել վարչական հսկողությամբ ու բացակայելու արգելքով, որպեսզի Արմեն Ալեքսանյանը կարողանա տանից դուրս գալ, տաքսի վարել ու իր ընտանիքը պահել։
Սակայն դատավոր Ֆարխոյանը չընդառաջեց, ըստ նրա վճռի՝ անչափահաս երեխաների հորը բանտից ազատելն ու տնային կալանքի ենթարկելն արդեն իսկ «առաջընթաց» է։
Տնային կալանքի 3 ամիսներին բլոգեր Արմեն Ալեքսանյանին արգելվում է շփվել այլ անձանց հետ, օգտագործել կապի միջոցներ, հեռախոս։ Շփումը պետք է լինի միայն ընտանիքի անդամների և փաստաբանի հետ։
