Փաստաբանների պալատի նախկին նախագահ Արա Զոհրաբյանը ֆեյսբուքյան իր էջում հայտնում է.
«10-ից ավելի հարցում եմ ներկայացրել Առողջապահության նախարարութանը: Հարցումների մի մասին տվել են «ցրողական» պատասխաններ: Դրան հետագայում կանդրադառնամ:
Ուշագրավ էր 13.10.2021թ. (որը մուտքագրվել էր ԱՆ 14.10.2021թ.) ՀՀ առողջապահության նախարարության գլխավոր քարտուղարի տեղակալ Վահե Հակոբյանի 20․10․2021թ․ պատասխանը:
Առողջապահության նախարարությունը նշել է, որ պահանջվող տեղեկատվությունը տրամադրելու համար հարկավոր է լրացուցիչ ժամանակ, ուստի, ելնելով ներկա ծանրաբեռնվածությունից՝ ՏԵՂԵԿԱՏՎՈՒԹՅՈՒՆԸ ՀՆԱՐԱՎՈՐ ՉԷ ՆԵՐԿԱՅԱՑՆԵԼ։
Չեն էլ ասում լրացուցիչ ուսումնասիրության կարիք ունենք, հետո մի «ցրողական» պատասխան կտանք: Այլ ուղիղ, «ազնիվ» ձևով ասում են՝ ծանրաբեռնված ենք, ձեր հարցերին չենք պատասխանելու:
Առողջապահության նախարարության կանոնադրության 23-րդ կետի համաձայն՝ գլխավոր քարտուղարն է պատասխանատու նախարարության լիազորությունների իրականացման կազմակերպական և անձնակազմի կառավարման համար:
Վարչական իրավախախտումների վերաբերյալ ՀՀ օրենսգրքի 1897-րդ հոդվածի առաջին մասի համաձայն՝ օրենքով նախատեսված տեղեկությունը պետական ….. մարմինների …. պաշտոնատար անձանց կողմից ապօրինաբար չտրամադրելը` առաջացնում է տուգանքի նշանակում` սահմանված նվազագույն աշխատավարձի տասնապատիկից մինչև հիսնապատիկի չափով:
Առողջապահության նախարարության գլխավոր քարտուղարին վարչական պատասխանատվության ենթարկելու պահանջով այսօր հայցադիմում եմ ներկայացրել վարչական դատարան:
Կցում եմ հարցման և «պատասխանի» օրինակները»:
