Թուրքիան կարեւոր դեր է ունեցել Սեւծովյան գոտում կայունության ապահովման եւ տարածաշրջանը ռազմավարական առճակատման գոտու վերածելու փորձերը կանխելու գործում։ Այս մասին Բրյուսելում ՆԱՏՕ-ի անդամ երկրների պաշտպանության նախարարների երկօրյա հանդիպման արդյունքներով լրագրողների հետ զրույցում ասել է Թուրքիայի ազգային պաշտպանության նախարար Հուլուսի Աքարը, գրում է Anadolu-ն։
Նրա խոսքով՝ Անկարան ի սկզբանե հատուկ նշանակություն է տվել Ուկրաինայի տարածքային ամբողջականության հարցերին։
«Մենք դատապարտեցինք Ղրիմի անեքսիան, ինչպես նաեւ հստակ եւ բացահայտ հայտարարեցինք Ուկրաինայի չորս շրջանների բռնակցման անթույլատրելիության մասին։ Անկարայի սկզբունքային դիրքորոշումն այս հարցում անփոփոխ է մնացել 2014 թվականից ի վեր»,-ընդգծել է Աքարը։
