Հայ-ադրբեջանական, ղարաբաղյան հակամարտությունն ավարտված է, ռազմական գործողությունների ժամանակաշրջանն անցյալում է, բայց մենք ցանկացած պահի պետք է պատրաստ լինենք պատերազմի:
Այս մասին հայտարարել է Ադրբեջանի նախագահ Իլհամ Ալիևը:
«Ես բազմիցս հայտարարել եմ և հիմա ուզում եմ կրկնել: Հայ-ադրբեջանական, ղարաբաղյան հակամարտությունը գտել է իր լուծումը: Մենք հակամարտությունը կարգավորել ենք միակողմանի կարգով: Ինձ է լուրեր են հասնում, որ կրկին խոսվում է այն մասին, որ հարցը չի լուծվել, հակամարտությունը չի լուծվել: Սա շատ սխալ և ռիսկային ճանապարհ է»,- ասել է Ալիևը 44-օրյա պատերազմում զոհված ադրբեջանցի զինծառայողների, հաշմանդամների ընտանիքներին բնակարաններ և մեքենաներ հանձնելու արարողության ժամանակ:
Ըստ նրա՝ «եթե հակամարտությունը չի լուծվում, ապա թող բացատրեն, թե ինչպես պետք է լուծվի»:
«Մենք հավատում ենք, որ այն լուծված է: Պատերազմն անցյալում է: Բայց չնայած դրան, մենք ամեն րոպե պետք է պատրաստ լինենք պատերազմին»,- նշել է Ալիևը:
Խոսելով տարածաշրջանի ապագայի մասին ՝ Ադրբեջանի ղեկավարը հավաստիացրել է, որ Ադրբեջանի ժողովուրդը կվերադառնա իր նախնիների հողերը:
«Նոյեմբերի 10-ի եռակողմ հայտարարության մեջ ասվում է. Բոլոր փախստականները պետք է վերադառնան իրենց հայրենի հողերը: Մեր հայրենի հողերը Զանգեզուրը, Երևանը և Սևանն են: Մենք, անշուշտ, կվերադառնանք», – ընդգծեց պետության ղեկավարը:
