ԱԺ չեղարկված նիստի հայտարարության նախագծի 7 կետերը

«Հայաստան» խմբակցության պատգամավոր Արամ Վարդևանյանը ԱԺ ամբիոնից ներկայացրեց ընդդիմության հայտարարությունը՝ բաղկացած 7 կետից՝ նշելով, որ հայտարարության նախագիծը ոչ միայն ԱԺ ընդդիմադիր երկու խմբակցությունների, այլև Հայաստանի շահերը պաշտպանող, սպասարկող ցանկացած անձի, ուժի հայտարարությունն է։
«Ցավով եմ ասում, որ այս հայտարարության նախագիծը ներկայացվում է ձևով Ազգային ժողովում, իսկ բովանդակությամբ ոչ Հայաստանի Հանրապետության ԱԺ-ում։
Հայտարարությունը վերաբորում է ՀՀ, ԱՀ շահրին, հայ- ադրբեջանական, հայ-թուրքական հարաբերություններին։ 7 կետերից յուրքանչյուրը ՀՀ պետական շահերով առաջնորդվող քաղաքացու համար առանցքային է։
1 ՀՀ-ն աջակցելու է ԼՂ-ի ժողովրդի ինքնորոշման իրավունքի լիարժեք իրացմանը, ԼՂՀ միջազգային ճանաչմանը։ ՀՀ-ի համար անընդունելի է ղարաբաղյան հարցի կարգավորման որևէ տարբերակ, որի արդյունքում Արցախը կարող է հայտնվել Ադրբեջանի կազմում։
2 Պետք է ապահովվի հուսալի ցամաքային կապ ՀՀ-ի և ԱՀ-ի միջև՝ բացառելով վերջինիս անկլավային վիճակը։
3 Հայաստանի Հանրապետությունը Արցախի ժողովրդի անվտանգության և ինքնորոշման իրավունքի իրացման երաշխավորն է բոլոր բաղադրիչներով։
4 Ադրբեջանի Հանրապետության հետ սահմանագծման ու սահմանազատման աշխատանքները պետք է իրականացվեն հումանիտար խնդիրների լուծման, հայ ռազմագերիների, այլ պահվող անձանց վերադարձով և ՀՀ ինքնիշխան տարածքից ադրբեջանական զորքերի դուրսբերման նախապայմանով։
5 Ադրբեջանի հետ սահմանագծման ու սահմանազատման արդյունքում բացառվում է ՀՀ տարածքային ամբողջականության խաթարումը։
6 Հայ-թուրքական հարաբերությունների կարգավորման գործընթացում ՀՀ-ը բացառում է որևէ համաձայնություն, որը հարցականի տակ կդնի հայ ժողովրդի հայրենազրկման և ցեղասպանության իրողությունը, ինչպես նաև հայության հոգևոր-մշակութային ժառանգության կրողը լինելու իրավունքը։
7 Հայ-թուրքական և հայ-ադրբեջանական հարաբերությունների կարգավորումները միմյանց հետ շաղկապված չեն։ Ադրբեջանի և Թուրքիայի հետ կոմունիկացիաների ապաշրջափակումը չի կարող տեղի ունենալ միջանցքային տրամաբանությամբ։