2022 թվականի օգոստոսի 22-ին «Ադրբեջանի ռեկուլտիվացիա և ջրային տնտեսություն» ԲԲԸ-ի ներկայացուցիչները տեղական փորձագետների մասնակցությամբ ստուգել են Սարսանգի ջրամբարը։
Ինչպես տեղեկացնում է ադրբեջանական ԱՊԱ գործակալությունը, ստուգման նպատակը Սարսանգի ջրամբարում տեխնիկական մոնիթորինգի իրականացումն էր, ներկա իրավիճակին ծանոթանալը, Թարթառ գետից եկող և ջրամբարից բաց թողնվող ջրի ժամանակացույցը և այլն:
Աղբյուրը նշում է, որ «հանդիպումն ու բանակցություններն անցել են փոխըմբռնման և կառուցողականության պայմաններում»։ Ըստ լրատվականի՝ պայմանավորվածություն է ձեռք բերվել, որ նման հանդիպումներն ու այցելությունները այդ տարածք հետագայում կշարունակվեն:
Նշենք, որ Սարսանգի ջրամբարը գտնվում է Արցախի Հանրապետության տարածքում, իշխանությունները չեն մեկնաբանել, թե ինչպես է ադրբեջանցիներին թույլ տրվել այցելել ջրամբարի տարածք։
