Հայաստանը Ֆրանսիայից գնել է 36 միավոր CAESAR ինքնագնաց հրետանային համակարգ. X սոցիալական ցանցում գրել է ֆրանսիական Le Figaro ամսագրի փոխտնօրեն, լրագրող Ժան Քրիստոֆ Բյուսոնը։
«Ադրբեջանի դեմ պաշտպանությունն ուժեղացնելու համար Հայաստանը Ֆրանսիայից գնել է 36 CAESAR հրետանային համակարգ, որը պետք է մատակարարվի առաջիկա 15 ամսվա ընթացքում»,- նշել է Բյուսոնը։
Այն, որ Երևանն ու Փարիզը պայմանագիր են կնքել CAESAR ինքնագնաց հաուբիցների մատակարարման մասին, ավելի վաղ հայտնել էր Ֆրանսիայի պաշտպանության նախարար Սեբաստիեն Լըկորնյուն:
CAESAR ինքնագնաց համակարգը 155 մմ-անոց հաուբից է, որը տեղադրված է Renault Sherpa 10 բեռնատարի շասսիի վրա՝ զրահապատ խցիկով։
