2022 թվականի Ստամբուլի քաղաքապետարանի Աթաթուրքի անվան գրադարանում Ժան-Բատիստ Մոլիերի ծննդյան 400-ամյակի առիթով կայացել էր ֆրանսիացի նշանավոր թատերագրին նվիրված ցուցահանդես: Որպես դրա շարունակություն՝ վերջերս լույս է տեսել «ՄՈԼԻԵՐԻՑ մինչեւ ՄՈԼՅԵՐ. հանդիպումներ օսմանա-թուրքական բեմում» (Molie՝re den Molyer e: Osmanl -Turkiye Sahnesinde Kar malar) հոդվածների էլեկտրոնային ժողովածուն՝ Էոզդե Նալան Քյոսեօղլուի եւ Ռեհա Քեսքինի խմբագրությամբ: Այնտեղ ընդգրկվել է նաեւ երեւանցի վաղամեռիկ թատերագետ Ալլա Դանիլովայի «Մոլիերը եւ Մխիթարյան դպրոցի թատրոնը Սուրբ Ղազար կղզում» հոդվածը, որը նրա «Մոլիերը հայ թատրոնում. 1812-1957» թեկնածուական ատենախոսության գլուխներից մեկն է: Այն ռուսերեն բնագրից թարգմանել է Իբրահիմ Բայրաքօղլուն:
Հայ-ուկրաինական ծագումով Ալլա Վիտալիի Դանիլովան (1963, Գիւմրի – 2006, Երեւան) ավարտել էր Մոսկվայի Լունաչարսկու անվան Թատերական արվեստի պետական ինստիտուտի թատերագիտական բաժինը: 1987-2003 թթ. աշխատել է Երեւանի Գրականության եւ արվեստի թանգարանում որպես թատերական բաժնի գիտաշխատող եւ թատերական ֆոնդերի վարիչ: 1993-2006 թթ. դասավանդել է Երեւանի Թատրոնի եւ կինոյի պետական ինստիտուտում՝ հայ, ռուս, Արեւելյան եւ Արեւմտյան Եվրոպայի եւ արեւելյան երկրների թատրոնի պատմություն եւ աղբիւրագիտություն: 1997-ին Հայաստանի Գիտությունների Ազգային Ակադեմիայի արվեստի ինստիտուտում պաշտպանել է ատենախոսություն եւ ստացել արվեստագիտության թեկնածուի գիտական աստիճան: Հետմահու, 2007-ին, Երեւանում լույս է տեսել Դանիլովայի «Թատերական խաչմերուկներ. Արեւելք-Արեւմուտք» հոդվածների ժողովածուն՝ հայերեն եւ ռուսերեն լեզուներով:
«ՄՈԼԻԵՐԻՑ մինչեւ ՄՈԼՅԵՐ. հանդիպումներ օսմանա-թուրքական բեմում» գիրքը հասանելի է հետեւյալ կայքէջում՝
https://ataturkkitapligi.ibb.gov.tr/tr/Kitaplik/Yayinlar/Molireden-Molyere/1150
Ա. Բ.
