Նոր տարվա, սուրբ Ծննդյան սպասման մեջ չենք մոռանում

Ռուբեն Վարդանյանին, Բակո Սահակյանին, Արկադի Ղուկասյանին, Լեւոն Մնացականյանին, Արայիկ Հարությունյանին, Դավիթ Բաբայանին, Դավիթ Իշխանյանին, Դավիթ Մանուկյանին, Էրիկ Ղազարյանին, Գեւորգ Սուջյանին, Ռաշիդ Բեգլարյանին, Դավիթ Դավթյանին, Դավիթ Ալավերդյանին, Գուրգեն Ստեփանյանին, Վագիֆ Խաչատրյանին, Լեւոն Բալայանին, Ալյոշա Խոսրովյանին, Գարիկ Մարտիրոսյանին, Լյուդվիգ Մկրտչյանին, Մադաթ Բաբայանին, Վիգեն Էուլջեքչյանին, Մելիքսեթ Փաշայանին, Վասիլի Բեգլարյանին

#ChristmasWithHostages #FreeArmenianHostages

Նախորդ շաբաթ «Ազգի» դեկտեմբերի 20-ի համարում հրապարակված «Քանի՞ կաթոլիկ կա Ադրբեջանում, որ երկրորդ եկեղեցին են շինում» վերնագրի հարցը որոնեցինք Վատիկանի աղբյուրներում: «Ադրբեջանում այժմ մոտ 400 կաթոլիկ է բնակվում: Հովհաննես Պողոս Երկրորդն առաջին պապն էր, որ 2002-ին այցելել է Ադրբեջան: Մինչեւ 2011 թվականը Բաքվի կաթոլիկների հոգեւոր ծառայությունն իրականացրել է Թիֆլիսի թեմը, այդ ժամանակվանից ի վեր գործում է սեփական «կաթողիկե պրեֆեկտուրան», Սուրբ Աթոռի արտաքին կապերի քարտուղարի Բաքու այցի առիթով ծանուցել էր «Վատիկան նյուզը»: Մեր նախորդ լրատվությամբ արդեն իրազեկել ենք, որ Սուրբ Աթոռի վերոհիշյալ արքեպիսկոպոս Պոլ Ռիչարդ Գալլագերին Բաքվում կարմիր գորգով պաշտոնական ընդունելության են արժանացրել, նա հանդիպել է իսլամ սուննիների շեյխ Ալլահշուքյուր Փաշազադեի, Իլհամ Ալիեւի, Ջեյհուն Բայրամովի հետ: Այցի առիթը  Հովհաննես Պողոս Երկրորդի անվամբ կաթոլիկ երկրորդ եկեղեցու հիմնակերքի արարողությունն է եղել, որ  կառուցվում է Հեյդար Ալիեւ հիմնադրամի միջոցներով: Կիրակի օրը՝ դեկտեմբերի 15-ին, նա պատարագ է մատուցել Բաքվում 2007-ին կառուցված Աստվածամոր անունով միակ կաթոլիկ եկեղեցում: Ըստ «Վատիկան նյուզի», արքեպիսկոպոսը Ադրբեջանի կաթոլիկներին կոչ է արել «արդարամիտ, համերաշխ (սոլիդար), պարզ կյանք վարել»: Դժվար է իհարկե պնդել, թե կաթոլիկների արտգործնախարարը չի հասկանում, թե արդարամիտ եւ համերաշխ լինելու պատգամ հղելով վտանգում է Ադրբեջանում իր հոտի ազատությունը: Չէ՞ որ արդարամիտների հոծ բազմության փողոց ելնելու պարագայում միգուցե քաղբանտարկյալներով չէին լցվի երկրի բանտերը:

Հրապարակված որեւէ փաստ չգտանք, թե բարձրաստիճան եկեղեցականը Փաշազադեի, Ալիեւի, Բայրամովի հետ խոսելիս ի՞նչ թեմաներ է արծարծել: Խոսե՞լ է նա արդյոք հայկական եկեղեցիներն ու վանքերը, քրիստոնեական վաղնջական մշակութային ժառանգությունը պահպանելու անհրաժեշտության մասին, բանակցե՞լ է Բաքվի բանտերում պահվող քրիստոնյա քաղբանտարկյալներին, հայ ռազմագերիներին ազատ արձակելու վերաբերյալ: Շատ խորհրդանշական է Գալագերի Բաքու այցի ժամանակը՝ Սուրբ Ծննդյան սպասման 3-րդ շաբաթը, որ արդարամիտ լինելու հետ ավելի գթառատ է դարձնում մարդուն:

Դեկտեմբերի 24-ին կաթոլիկ աշխարհը տոնեց Հիսուսի ծնունդը: Նույն օրը տարօրինակ զուգադիպությամբ Ալիեւին շնորհավորում էին՝ ծննդյան տարեդարձի առթիվ, ցավակցում ադրբեջանական օդանավի խորտակման պատճառով զոհերի ընտանիքներին:

Հայերս դեռ սպասում ենք Սուրբ Ծնունդին: Ի՞նչ ենք խորհում, ի՞նչ ենք փրկում այդ սպասման մեջ, դժվար է միանշանակ գնահատել: Տեսնելով հնարավոր է՝ մինչ այդ ամենասիրված տոնն է՝ Նոր տարին, Կաղանդը, որ միշտ վաղվա հույսի պաշարն է կրկնապատկել եւ «ճոխ սեղանով դիմավորելու դեպքում տարին բարեհաջող կլինի» ավանդույթը եռուզեռ է ստեղծում շուկայում եւ խանութում նաեւ հիմա՝ 2025-ի նախաշեմին:  Հունվարի 5-ի Ճրագալույցի գիշերվան, հունվարի 6-ի սուրբ Ծնունդին եւ Ջրօրհնեքին սպասում ենք՝ Հիսուսին ավելի մերձ դառնալով, ձգտելով նրա ողորմության եւ գթասրտության…

Իսկ Երեւանի փողոցները զարմանալի լուռ են՝ աշխարհիկների, սովորական մահկանացուների բերանները պահանջ չեն ձեւակերպում, պաստառներ չկան, թե չենք մոռացել՝ «Տո՛ւն դարձրեք, հայրենի երկիր վերադարձրե՛ք Բաքվի բանտերում անօրեն պահվող մեր 23 ռազմագերիներին»: 2024-ի հոկտեմբերի 11-ին Երեւանում Արցախի ՄԻՊ Գեղամ Ստեփանյանը հաղորդեց, թե «բացի ադրբեջանական իշխանությունների կողմից հաստատված եւ Բաքվի բանտերում պահվող 23 անձանցից, հայ իրավապաշտպան համայնքի կողմից իրականացված փաստահավաք աշխատանքների արդյունքում հավաքված տեղեկություններով փաստվում է եւս շուրջ 80 անձանց հավանական գերեվարության հանգամանքը, որոնց վերաբերյալ Ադրբեջանը որեւէ տեղեկություն չի տրամադրում»: Հայաստանում, աշխարհասփյուռ հայ համայնքներում 2024-ի Տարեմուտից առաջ, այսինքն հե՛նց հիմա, նրանց առողջ վերադարձի համար մի մոմ վառենք, հավատի լույսով հիշենք եւ հիշեցնենք, որ մեր մեծ հայկական ընտանիքում սպասում ենք մեր ռազմագերիների տունդարձին:

#ChristmasWithHostages #FreeArmenianHostages նախաձեռնությունը հուշում է, որ կարելի է նամակներ գրել՝ հիշեցնելով, որ չենք մոռացել, որ հայկական աշխարհասփյուռ մեր համայնքներում աղոթում եւ սպասում ենք նրանց:

Ի՞նչ գրել երբեւէ չտեսած, չճանաչած մարդուն: Ինչպե՞ս սփոփել նրանց մեկուսացած, ընկճված ոգին, երբ հայտնի է, որ գերուշադիր աչքը հսկում է մեր գիրը: Դրական պատմությունների վերհուշը, մշակութային իրադարձություններին անդրադարձը, որեւէ գրքի, ֆիլմի, թանգարանի կամ ընտանեկան ավանդույթի, սովորույթի մասին պատմությունը միգուցե նրանց օգնի բեռնաթափել ծանր առօրյան: Էլեկտրոնային նամակները կարելի է ուղարկել Ադրբեջանի մարդու իրավունքների պաշտպանի հասցեով՝ ombudsman@ombudsman.az նշելով գերիների անունները:

ԱՆԱՀԻՏ ՀՈՎՍԵՓՅԱՆ

Գերմանիա

#ChristmasWithHostages #FreeArmenianHostages

The Christmas season is a time of hope, connection, and renewal. We have an opportunity to extend our warmth and compassion to those who need it most—23 Armenian hostages in Baku. Through letters and postcards, we can remind them they are not forgotten and that their Armenian family worldwide is thinking of them. What to write to someone you never met? Our hostages are in isolation, any encouraging message makes them feel they are not forgotten and will lift their spirits. Share a brief story, a piece of good news, or a fond memory, and write about everyday life and positive experiences, such as cultural events you visited, books you read, films you watched, and museums you visited. You can share a favorite Armenian family tradition, or simply offer encouraging words like “I lit a candle for you” or “Your strength inspires us all.” By focusing on these topics, you provide comfort and a sense of connection without touching on sensitive matters. Please note that your messages are likely to be censored. So, to improve the chances of them reaching the hostages, please refrain from discussing the legal details of their situation or mentioning other individuals without their consent. Political messages, slogans, or criticism of officials should also be avoided. How to send your letter? 1. Email your letter to Azerbaijan’s Ombudsman at ombudsman@ombudsman.az. Please mention the name of the hostage the email is addressed. 2. Send by Post: • Attach a completed form as the first page of your letter (https://drive.proton.me/urls/0GMHY4JSW0#Dl8iFRnVYyNX). This form is mandatory, and letters without it may not be accepted. The form must be filled out in English either by hand or electronically. • Specify the recipient’s full name. • Use the following address: AZ1009, Baku, Parliament Avenue 14, To the Head of the Investigative Detention Facility of the State Security Service of the Republic of Azerbaijan. Share the message on social media After writing your letter or postcard, photograph it and share it on your social media with the following hashtags: #FreeArmenianHostages #ChristmasWithHostages. Encourage your friends to follow your example.

Սուրբ Ծնունդի և Ամանորի տոնական օրերը հույսի, միասնության ու նորը սկսելու ժամանակն են: Այս առիթով մենք հնարավորություն ունենք մեր ջերմությունը փոխանցելու նրանց, ովքեր դրա կարիքն ամենաշատն ունեն՝ Բաքվում գտնվող մեր 23 հայ պատանդներին: Նամակների և բացիկների միջոցով կարող ենք հավաստիացնել նրանց, որ նրանք մոռացված չեն, և որ աշխարհասփյուռ հայ ընտանիքը մտահոգ է նրանց մասին:

Ի՞նչ գրել մեկին, ում երբեք չես հանդիպել:

Մեր պատանդները մեկուսացված են արտաքին աշխարհից, և ցանկացած հուսադրող ուղերձ կօգնի նրանց զգալ, որ իրենք մոռացված չեն, և կգոտեպնդի նրանց: Մի կարճ պատմություն պատմիր, կիսվիր լավ նորությունով կամ հաճելի հիշողությունով, գրիր առօրյա կյանքի և դրական փորձառությունների մասին, պատմիր քո այցելած մշակութային իրադարձությունների, թանգարանների, քո կարդացած գրքերի ու դիտած ֆիլմերի մասին: Դու կարող ես պատմել ձեր ընտանեկան ամանորյա ավանդույթի մասին կամ պարզապես գրել նրանց խրախուսական խոսքեր, օրինակ՝ «Ես ձեզ համար մոմ վառեցի» կամ «Ձեր ուժը ոգեշնչում է մեզ բոլորիս»: Նման թեմաները կջերմացնեն նրանց հոգիները և մտքով կմիավորեն մեզ՝ առանց նուրբ լարերի դիպչելու։

Խնդրում ենք ի նկատի ունենալ, որ հաղորդագրություններն, ամենայն հավանականությամբ, գրաքննության են ենթարկվելու։ Որպեսզի մեծացնել դրանց՝ պատանդներին հասնելու հավանականությունը, հորդորում ենք զերծ մնալ իրենց իրավիճակի իրավական մանրամասները քննարկելուց կամ այլ անձանց հիշատակելուց՝ առանց նրանց համաձայնության: Անհրաժեշտ է խուսափել նաև քաղաքական ուղերձներից, կարգախոսներից կամ պաշտոնյաների հասցեին ուղղվող քննադատությունից:

Ինչպե՞ս ուղարկել նամակը:

1. Էլենտրոնային տարբերակ

Նամակն ուղարկիր Ադրբեջանի մարդու իրավունքների պաշտպանի՝ ombudsman@ombudsman.az էլեկտրոնային հասցեով: Անհրաժեշտ է նշել պատանդի անունը, որին հասցեագրված է էլ. նամակը։

2. Փոստային տարբերակ

• Կցի՛ր լրացված ձևը՝ որպես նամակիդ առաջին էջ (ձևանմուշի հղումը մեկնաբանության դաշտում է): Այս ձևանմուշը պարտադիր է, և առանց դրա նամակները չեն կարող ընդունվել: Ձևանմուշը պետք է լրացված լինի անգլերենով՝ ձեռագիր կամ էլեկտրոնային եղանակով:

• Նշի՛ր ստացողի ամբողջական անունը:

• Հասցե՝ AZ1009, Baku, Parliament Avenue 14,

To the Head of the Investigative Detention Facility of the State Security Service of the Republic of Azerbaijan.

Տարածիր այս գաղափարը սոցցանցերում

Քո նամակը կամ բացիկը գրելուց հետո լուսանկարիր այն և տեղադրիր սոցիալական ցանցերում հետևյալ հեշթեգերով՝ #FreeArmenianHostages #ChristmasWithHostages։ Խրախուսիր ընկերներիդ հետևել քո օրինակին: