Շվեյցարիայի Դաշնային խորհրդի արտաքին հարաբերությունների հանձնաժողովը հանձնարարել է գործադիրին COP 29-ի ժամանակ արծարծել ԼՂ հայերի ապահով վերադարձի, ռազմագերիների ազատ արձակման, մշակութային արժեքների պահպանման հարցը
Հայալեզու լրատվամիջոցներում արդեն տարածվել է Շվեյցարիայի Դաշնային խորհրդի՝ խորհրդարանի ստորին պալատի արտաքին հարաբերությունների հանձնաժողովի հոկտեմբերի 15-ին 14 կողմ, 7 դեմ, 4 ձեռնպահով ընդունված բանաձևը, որով Դաշնային խորհուրդը կոչ է անում Շվեյացարիայի գործադիրին մեկ տարվա ընթացքում կազմակերպել ԼՂ հարցով խաղաղության համաժողով:
Շվեյցարիայի հայկական եւ հայասեր միությունների խորհրդի վարչության նախագահ Սարգիս Շահինյանը վերաշարադրելով վերոհիշյալը, շեշտում է, որ առաջնահերթ կարեւորություն ունի նաեւ այն հանգամանքը, որ Շվեյցարիայի խորհրդարանի արտաքին հարաբերությունների հանձնաժողովը գործադիրին ուղղված գրությամբ հանձնարարում է մեկ տարվա ընթացքում ԼՂ խաղաղությանն ի նպաստ խորհրդաժողով գումարելուն զուգահեռ 16:9 ձայնի հարաբերակցությամբ գործադիրին լիազորում է արծարծել այս թեման Բաքվում կայանալիք COP 29-ի ժամանակ: 13 կողմ, 10 դեմ, 2 ձեռնպահ ձայների հարաբերակցությամբ հանձնաժողովը նամակով դիմել է գործադիրին, որ նոյեմբերին՝ Կլիմայի համաժողովի ժամանակ ադրբեջանցի պաշտոնատարների հետ բանակցեն ԼՂ-ի հարցի վերաբերյալ: Մասնավորապես բանակցությունների նյութը կենտրոնանա խաղաղության համաժողովին առաջարկված՝ միջազգային սուբյեկտների ներգրավվմամբ խաղաղ գործընթացին, որ կնպաստի տեղի հայերի անվտանգ, ապահով վերադարձին, արծարծվի ռազմագերիների ազատարձակումը, մշակութային արժեքների ապահովումն ու պահպանումը:
Կանդրադառնանք:
ԱՆԱՀԻՏ ՀՈՎՍԵՓՅԱՆ
