«Եթե վարչապետն ասում էր, որ Արցախը Ադրբեջանի կազմից դուրս լինելու տեսական հնարավորություն չկար, սա նշանակում է, որ Հայաստանը Ղարաբաղից ձեռքերը լվացել է։ Նա կասկածի տակ դրեց Արցախի հռչակագիրը»,- ասուլիսի ժամանակ ասաց Ռոբերտ Քոչարյանը։
Նախագահը նաև անդրադարձավ Արցախի նախագահ Արայիկ Հարությունյանի՝ դեկտեմբերի 26-ի հայտարարությանը, որն, ըստ էության, փոքր-ինչ հակադարձում էր Նիկոլ Փաշինյանին։
«Ամենից քիչը ես կուզեի մեկնաբանել Արցախի նախագահի ասածները։ Ես չգիտեմ՝ դա պայմանավորվածության արդյունք է, թե՞ այլ նպատակ է հետապնդում։
Հայաստանում ասվել է այնպիսի մի բան, որին չարձագանքել ուղղակի հնարավոր չէ։ Ըստ էության՝ հարցականի տակ է դրվել Արցախի հռչակագիրը, որի հեղինակներից մեկն էլ ես եմ։ Տեսնենք՝ այսօր Արցախի ԱԺ-ը հայտարարությամբ հանդես կգա՞, թե ոչ»,-ասաց Ռոբերտ Քոչարյանը։
