Արտակ Գալստյան Հայոց Հայրենիք կուսակցություն, –
Մի ամուսնացած կին մեկնում է արձակուրդ ծովափնյա մի քաղաք։ Հանդիպում է մի սևամորթի հետ, լավ ժամանակ անցկացնում հետը և արդյունքում՝ հղիանում։ Տուն վերադառնալուց հետո, որպեսզի փրկվի խայտառակությունից և ամուսնու ցասումից, որոշում է կիրառել Օվերտոնի պատուհանի սկզբունքը։
Ամեն գիշեր կինը սարսափելի գոռոցով վեր է թռնում անկողնում և ասում ամուսնուն, որ երազ է տեսել, որ ծնվել է սևամորթ երեխա, առանց ձեռքերի և ոտքերի։ Ամեն գիշեր ամուսինը հանգստացնում էր կնոջը և ասում, որ ինչ էլ որ լինի, միևնույն է դա իրենց երեխան է։
Այս նույն պատմությունը կրկնվում էր ամեն օր մինչև կնոջ ծննդաբերումը։
Հիվանդանոցում անհանգիստ ամուսնուն է մոտենում բժիշկը և աչքերը փախցնելով վերջինիս հայտնում, որ ծնվել է սևամորթ երեխա։
Ամուսինը բժշկին ասում է, <<դա գիտեմ, դուք ասեք ձեռքերը և ոտքերը տեղում են>>, զարմացած բժշկի դրական պատասխանը ստանալուց հետո ամուսինը ասում է <<փառք Աստծո>> և սկսում շնորհակալություն հայտնել բժշկից։
Այս պատմությունը Օվերտոնի պատուհանի կիրառման դասական օրինակ է։
Հենց այս եղանակով դավաճանների խումբը հանձնեց Արցախը, կոտորեց և հաշմանդամ դարձրեց հազարավոր հայորդիների և արդյունքում, ինչպես սևամորթից հղիացած կինը արժանացավ «փառք Աստծո» բացականչությանը։
Այսպես՝
1․ հայտարարվեց, որ ինչ էլ լինի մենք մեզ պարտված չենք զգա։
2․ 44 օր հայտարարվեց, որ հաղթում ենք
3․ հետո հայտարարվեց, որ 6000 ադրբեջանցի կարող են շրջապատել և կոտորել 35 000 հայկական զորքին
4․ հետո հայտարարվեց, որ գլխավոր կապիտուլյանտը փրկեց 35 000 հայ զինվորի կյանք, Արցախը հանձնելով և ժողովուրդը ասաց «փառք Աստծո»
Ինչպես ամուսինը չհարցրեց իր կնոջը, թե ինչպես երկու սպիտակամորթից ծնվեց սևամորթ երեխա, այնպես էլ հայ ժողովուրդը չհարցրեց թե դիցուք 6000 ադրբեջանական զորքը ինչպես կարող էր շրջապատել 35 000 հայկական զորքին։
Հետո հայտարարվեց, որ Շուշիի պես դժգույն է նաև Սյունիքը, Սև լճերը, Գեղարքունիքը, Տավուշը, Տիգրանակերտը և գլխավոր կապիտուլյանտը դրանք ոչ թե վաճառում է թուրքերին, այլ կրկին անգամ փրկում է ևս մի 35 000 հայ զինվորի կյանք։
Ի դեպ, արտահերթ ընտրություններին մասնակցել է ընդամենը 11 000 զինծառայող, 24 000 –ով պակաս, քան փրկել է գլխավոր կապիտուլյանտը։
Այսօր էլ, երբ մոտ 10 000-ից ավել ադրբեջանական զինվոր գտնվում են ՀՀ տարածքում և կիլոմետրերով առաջ են եկել ՊՆ նախարարը հայտարարում է, որ հրաման է տվել, ոչնչացնել ադրբեջանական ցանկացած զինվորի, ով այսուհետ կխախտի ՀՀ սահմանը։
Ժողովուրդը ցնծում է և գոչում «փառք Աստծո» հզոր նախարար ունենք․բայց ինչպես առաջին դեպքում, այնպես էլ հիմա ոչ ոք չի հարցնում ազգակործան գլխավոր կապիտուլյանտին, իսկ որտեղ է ՀՀ սահմանը, այնտեղ որտեղ արդեն կանգնած են մոտ 10 000 ադրբեջանցի և թե այնտեղ որտեղից որ թշնամին առաջ է եկել, և ամենակարևորը, ոչ ոք չի հարցնում, թե բանակը 60 տոկոսով կրճատելով ինչպես է պատկերացնում ՀՀ սահման ներխուժած թշնամու ոչնչացումը, միգուցե Ստամբուլում սովորած իր թիմակից պատգամավորների 250 000 դրամ աշխատավարձի բարձրացմամբ։
Այլ կերպ ասած ՊՆ նախարարի այս հայտարարությունը կրկին Օվերտոնի պատուհանի կիրառում է, այդ հայտարարությամբ օրինականացվում է ադրբեջանի այս 8 ամսվա առաջխաղացումը, ՀՀ տարածքների կորուստը և այն նույնական է Դավիթ Տոնոյանի «նոր պատերազմ, նոր տարածքներ» հայտարարության հետ ու երկու դեպքում էլ շահելու է գլխավոր կապիտուլյանտի պաշտած թուրքը։
Իսկ հայ ժողովուրդը դեռ գոչում է «փառք Աստծո»։
Շարունակելի․․․․․․․․․․․․․
Արտակ Գալստյան Հայոց Հայրենիք
