Փաստաբան Հովհաննես Խուդոյանը գրում է․
Դատական իշխանության խնդիրների վերաբերյալ այսօրվա քննարկումից ակնհայտ եզրահանգումներ են արվում․
- Գոյություն չունի գործերի բաշխման ծրագրի աշխատանքը խանգարող անհաղթահարելի ուժ․
- իրավապահ մարմինները թեև այս սցենարում որպես գործիք են օգտագործվել, բայց հաշտ են իրենց դերակատարման հետ, պատրաստակամ «համագործակցել» դատական իշխանության դեմ պայքարին․
- Դատարանների օրինական աշխատանքի, անկախության, դատական իշխանության հեղինակության ամրապնդման առաքելություն ունեցող Բարձագույն դատական խորհուրդը ինքն է լծվել գործընթացին՝ հեղինակազրկել դատական իշխանությունը, սաբոտաժի ենթարկել դատարանների բնականոն աշխատանքը․
- ԲԴԽ֊ից հնչեցվող բոլոր պատասխանները պարզամիտ են և հիմնավորում են սաբոտաժի դիտավորությունը․
- ԲԴԽ անխտիր բոլոր անդամների ակտիվ կամ կրավորական կեցվածքը /անկախ իրենց անձնական հատկանիշներից/ այս ամենի պաշտպանության հարցում բացառում են արժանապատվության ցանկացած ընկալում և մասնագիտական և մարդկային հարգանք վերջիններիս նկատմամբ:
