«Ես անկախ դատարանի կողմնակից եմ» հեշթեգով փաստաբանները միավորվել են Ֆեսբուքում: Նրանք ակցիա են անում՝ պաշտպանելու դատավոր Զարուհի Նախշքարյանին:
Հիշեցնենք, որ դատավոր Զարուհի Նախշքարյանին Բարձրագույն դատական խորհուրդը Փաշինյանի դստեր գործով ինքնաբացարկ չհայտնելու համար խիստ նկատողություն էր հայտարարել: Փաստաբան Միքայել Շխիմյանը գրում է, որ ԲԴԽ-ն դա արել է վարչապետի փաստաբան Գյոզալյանի մատնության հիման վրա: Հիմա վարչապետի մյուս պատվիրակի՝ Հանրային խորհրդի նախագահ Ստյոպիկ Սաֆարյանի մատնագրի հիման վրա՝ վարչապետի արդարադատության նախարարի հարուցած վարույթի քննության հերթն է, որը կայանալու է դեկտեմբերի 13-ին: Փաստաբանը շեշտում է, որ համակարգում համառորեն լուրեր են շրջանառվում՝ ԲԴԽ-ին հանձնարարված է ամեն գնով դադարեցնել դատավորի լիազորությունները:
Փաստաբան Երվանդ Վարոսյանն էլ գրում է. «Սա մեկ դատավորի հարց չէ… Սա իշխանության երրորդ ճյուղի նշույլներ առհասարակ ունենալ-չունենալու խնդիր է»£
