Հայերին անհնար է հաղթել, եթե նրանց չբաժանենք իրարից ու նրանց փողով չխաբենք. 900 տարի առաջ ասել են մեր մասին սելջուկ-թուրքերը։
Այսօր սելջուկ թուրքերի նման թուրքերն են մեզ փորձում իրարից բաժանել ու փողով առնել. Միասնության հանրահավաքի ժամանակ իր ելույթում նշեց լրագրող-մեկնաբան Նաիրի Հոխիկյանը։
Նա հիշեց Քեմալ Աթաթուրքի խոսքերը, որ ասել է 1921 թվականին՝ պետք է հայերին համոզել հրաժարվել բանակից ու խաղաղության պայմանագրի անվան տակ նրանց տանել կործանման։
«100 տարի հետո Էրդողանը նույն կերպ է գործում՝ ամեն ինչ անելով, որ Հայաստանը չունենա բանակ և խաղաղության անվան տակ Հայաստանը տանի կործանման։
Նժդեհն ասում էր՝ մենք կներենք թուրքին, բայց՝ ծնկի բերած թուրքին»,- ասաց Հոխիկյանը։
Նա հիշեց, որ 1988 թվակնին Ազատության հրապարակում իր հայրիկի գրկին՝ մասնակցել է Արցախի համար կազմակերպված ցույցերին ու գոչել՝ Ղարաբաղը մերն է։
«Հաղթանակ տանում են ոչ թե մուրալով, այլ մինչև վերջ պայքարելով։ Վերադառնանք 1988 թվականին՝ Ղարաբաղը մերն է»,-ելույթն ավարտեց Նաիրի Հոխիկյանը։
