Սա ոչ թե «հաղորդակցությունների բացում» է, այլ սովորական միջանցքի հանձնում ամերիկացիների ձեռքով՝ թուրք-ադրբեջանական տանդեմի տրամադրությանը

Քաղաքական գործիչ Արման Աբովյանը գրում է. «Սաղմոսներ, բալլադներ, անեկդոտներ, էսսեներ պատմելու բանաստեղծություններ արտասանելու փոխարեն ՝ թող այս իշխանությունները պատասխանեն միայն մեկ պարզ հարցի։ Մի հարց, որը կդնի վերջակետ այս ակնհայտ և, ցավոք, հիմար վիճաբանությանը․ Փաշինյանի իշխանությունը միջանցք հանձնե՞լ է թուրքերին և ադրբեջանցիներին, թե՞ ոչ։

Եվ այսպես, ուշադրություն, հարց․

– Ո՞վ է լինելու այն կոնկրետ մարմինը, որն առանց երրորդ կողմի միջամտության, ֆիզիկապես՝ ձեռքով ու աչքով, ստուգելու է Հայաստանի տարածք ներս եկող և դուրս եկող մարդկանց ու բեռները Ադրբեջանի տարածքից։ Ո՞վ։

Հայկական սահմանապահներն ու մաքսավորնե՞րը, թե՞ ինչ–որ ուրիշը։

Ո՞վ։

Պատասխանեք պարզ, հասկանալի ու առանց բառերի ակրոբատիկայի։

Եթե ձեր պատասխաններում հնչի արտահայտությունը՝ «կարևոր չէ, թե ով է ստուգելու և ինչպես, կարևոր է, որ ամեն ինչ լինի Հայաստանի տարածքային ամբողջականության, ինքնիշխանության և անկախության պահպանմամբ», ապա իմացեք ՝ մեզ բոլորիս կրկին ուղիղ և անկաշկանդ էշերի տեղ են դրել։

Որովհետև այդ դեպքում սա ոչ թե «հաղորդակցությունների բացում» է, այլ սովորական միջանցքի հանձնում ամերիկացիների ձեռքով՝ թուրք-ադրբեջանական տանդեմի տրամադրությանը։

Ես հասկանում եմ, որ մշտական տեղեկատվական ահաբեկչության պայմաններում մարդիկ խառնվել են «թավշյա» ստերի քանակից, բայց ամեն դեպքում մարդիկ հիմար չեն։

Հիշեք սա․․․ ՄԱՐԴԻԿ ՀԻՄԱՐ ՉԵՆ»։