Արսեն Բաբայանը ֆեյսբուքյան իր էջում գրել է․
Վերջերս տեղեկացրեցի, որ ՊԵԿ-ում մի պաշտոնյա պատերազմից ընդամենը մեկ ամիս անց ստացել է 7 միլիոն դրամից ավելի պարգևավճար։ Այսօր տեղեկացա, որ նույնիսկ պատերազմի ամենաթեժ ամսին, հոկտեմբերին, ՊԵԿ-ի ողջ ղեկավար կազմն է ստացել պարգևավճար։ Օրինակ՝ նիկոլի հանրահավաքին մասնակցած ՊԵԿ նախագահը ստացել է 1,5 միլիոն դրամ պարգևավճար։
DataLeaksLeaks 🚨🚨🚨
Պատերազմի ամենածանր օրերին ՊԵԿ–ում հսկայական պարգևավճարներ են ստացել
DataLeaks-ն իր աղբյուրներից ստացել է ՊԵԿ-ում պարգևավճարների փաստաթղթերը, որոնք գաղտնի են պահվում հանրությունից։
Պարզվում է, որ պատերազմի ամենաթեժ ամսին, հոկտեմբերին, Պետական եկամուտների կոմիտեն պետական պաշտոնյաներին շռայլորեն պարգևավճարներ է բաժանել։ Հիշեցնենք ընթերոցողներին, որ սա այն ամիսն էր, երբ սփյուռքի մեր հայրենակիցները գումարներ էին ուղարկում Հայաստանի Հանրապետություն, որպեսզի մեր բանակը ոչինչի կարիք չունենար։
Ստացված տվյալներն այժմ մշակման փուլում են, որից, այս փուլում, ներկայացնում ենք միայն ՊԵԿ ղեկավար կազմի հոկտեմբեր ամսին ստացած ապշեցուցիչ պարգևավճարները։
ՊԵԿ նախագահ Էդվարդ Հովհաննիսյանը ստացել է 2.285.798 դրամ, որից 1.493.798 դրամ պարգևավճար։
ՊԵԿ նախագահի տեղակալներ՝
Ռաֆիկ Մաշադյանը ստացել է 1.904.832 դրամ, որից 1.244.832 դրամ պարգևավճար,
Արշակ Գասպարյանը ստացել է 1.619.107 դրամ, որից 1.058.107 դրամ պարգևավճար,
Շուշանիկ Ներսիսյանը ստացել է 1.624.729 դրամ, որից 1.063.729 դրամ պարգևավճար,
Աշոտ Մուրադյանը ստացել է 1.534.044 դրամ, որից 973.044 դրամ պարգևավճար,
Միքայել Փաշայանը ստացել է 1.756.346 դրամ, որից 1.195.346 դրամ պարգևավճար։
ՊԵԿ գլխավոր քարտուղար Էդգար Գևորգյանը ստացել է 1.623.075 դրամ, որից շուրջ 1.միլիոն դրամ պարգևավճար։
Նույն ամսին տպավորիչ պարգևավճարներ են ստացել նաև ՊԵԿ-ի վարչության պետերն ու նրանց տեղակալները, որոնց վերաբերյալ տվյալները կհայտնենք մշակելուց հետո։
t.me/armdataleaks/21 197views
