Խնայողությունների թալան։
ՀՀ վարչախմբի քպ ղեկավարը հետեւողականորեն իր թաթերն է ձգում դեպի քաղաքացիների խնայողությունները։
Ինչպիսի՞ հաշվարկ ունի ֆունկցիոնալ անգրագետը, որը պարզապես ցանկանում է սոսնձված մնալ իշխանական աթոռին:
Նրա միակ նպատակը անձնական բարեկեցությունն է և պետական օլիգարխի բարեկեցիկ կյանքը, որի շարունակման համար վտանգ է զգացել։ Այո՛, վտանգը բավականին սպառնալի, դրամատիկ երանգ է ստանում, որովհետև տնտեսությունը կանգ է առել, և 2025 թվականին արժույթի միջազգային հիմնադրամի կանխատեսումներով՝ արտահանումը, ներմուծումը, ծառայությունների բնագավառը կրճատվելու են 40-45 տոկոսով։
Այս թվերը վկայում են, որ շատ շուտով պետական ապարատի աշխատավարձերը, քաղաքացիների նպաստները և թոշակները վճարվելու համար փող չի լինելու։ Ողջամիտ ղեկավարը, անկասկած, կփորձեր գնալ հանրային կոնսոլիդացիայի ճանապարհով և կկազմեր ազգային համաձայնության կառավարություն, որի հավաքական ջանքերով հնարավոր կլիներ չեզոքացնել բազմաթիվ մարտահրավերներ, սակայն ՀՀ ներկա վարչախմբի ղեկավարը դասական բռնապետի վարքագիծ է դրսեւորում և փորձում է չլուծվող տնտեսական խնդիրները լուծել իր գավառական աշխուժակի մեթոդներով։
Մեթոդներից առաջինը քաղաքացիների գրպանը մտնելն է և, ի վերջո, նրանց խնայողությունների հափշտակումը։
Այս մոդելի լույսի ներքո պետք է դիտարկել գույքահարկի պարտքերի տակ խեղդվող քաղաքացուց իր բնակարանը խլելը, հայտարարագրման ծուղակների միջոցով քաղաքացիներին տուգանքների տակ գլորելը, ապրանքային մնացորդի հոդվածներով տնտեսվարողներին անլուծելի պարտքերի տակ գցելը։
Արդեն իսկ նշմարվում են որոշ ժամանակ անց բանկային ավանդների մի մասը գրպանելու անթաքույց նկրտումներ։ Այսօր կառավարության նիստում անոնսվեց ծախսերի հայտարարագրման գործընթացի սկիզբը։
Անտարակույս, հանրությունը առերեսվում է իրենց պատերազմ հայտարարած անձի հետ, որը հասկացել է՝ իր կուտակած պետական պարտքն ունի երկու պահանջատեր, մեկը՝ դրսի հզորները, իսկ մյուսը՝ ՀՀ անպաշտպան քաղաքացիները։
Վստահ եղեք, հարգելի քաղաքացիներ, որ դրսի հզորների պարտքը և տոկոսները սուսուփուս վճարողը կուժն ու կուլան ջարդելու է ձեր գլխին։
Այո, դուք անպաշտպան եք. հերթական հարվածները չեն ուշանալու։
Հարցի լուծումը ձեր ձեռքերում է։
Եղե՛ք ձեր խնայողությունների պաշտպանը։
Ձեր աշխատած խնայողությունների վրա աչք է տնկել ամբողջ կյանքում ոչ մի տեղ չաշխատածը։
Ի՞նչ է պետք անել սպասվող աղետին և ունեզրկմանը դիմագրավելու համար:
Մենք ունենք լուծման համակարգ, որի վրա աշխատում է մասնագետների, տնտեսագետների լուրջ խումբ։
Առաջարկվող լուծումները տեղայնացնելու, հարստացնելու, գույքագրելու համար, խնդրում ենք գրել, թողնել մեկնաբանություններ, որոնց անպայման կանդրադառնանք։ Միայն միասնական ուժն է հաղթում:
Հրայր Կամենդատյան, տնտեսագետ, «Հայաքվե» նախաձեռնության ներկայացուցիչ
