Ազգային ժողովի նախկին պատգամավոր Նաիրա Զոհրաբյանն այն համոզմանն է, որ հայաստանյան ընդդիմությունը չկարողացավ ճիշտ ժամանակին գործել ու հասնել իշխանափոխության։ Նրա գնահատմամբ՝ դա, գուցե, տեղի չունեցավ վճռականության պակասի պատճառով։
«Բայց ինչ եղել, եղել է, դա դնում ենք մի կողմ ու պատրաստվում Երևանի ավագանու՝ սեպտեմբերին կամ հոկտեմբերին ացկացվելիք ընտրություններին։ Եվ եթե քաղաքական ուժերից ամեն մեկն իր թեկնածուին գրկի ու առաձին գնա ընտրության, ուրեմն բոլորով կապացուցնեն, որ Նիկոլ են ու Նիկոլի շահերն են սպասրակում»,- նշում է Զոհրաբյանը։
Քաղաքական գործչի փոխանցմամբ՝ Փաշինյանն այսօր Երևանում բավական ցածր վստահություն ունի, ու որևէ առանձին քաղաքական ուժ Երևանում չի կարող հաղթահարել առավելագույն 5 տոկոսի շեմը։
Դիմելով ընդդիմադիր դաշտի ուժերին՝ Նաիրա Զոհրաբյանն ասում է․ «Եթե դուք առանձին ենք ընտրության գնալու, ինչ է թե ավագանու 4-5 անդամ ունենաք, ապա ես լեգիտիմ իրավունք ունեմ ասելու, որ դուք ներքին պայմանավորվածություն ունեք Փաշինյանի իշխանության հետ»։
Ս․Վ․
