ՀՀ նախկին վարչապետ Հրանտ Բագրատյանը գրել է.
2 օր առաջ համառոտագրություն տարածվեց առ այն, որ չնայած Ալիևը չգնաց Գրանադա, այնուամենայնիվ «հայանպաստ» հայտարարություն տարածվեց։
ՔՊ-ականներ Կոնջորյանը և Արայիկ Հարությունյանը (սրանք լուրջ պաշտոններ ունեն այս պետության մեջ) շտապեցին հայտարարել, թե բա տեսա՞ք հայրենասեր Նիկոլ Փաշինյանն ինչ հաջողության հասավ. այդ հայտարարաության մեջ միջանցք չկա, անկլավների թեմա չկա, ադրբեջանցիների վերաբնակեցման թեմա չկա (նիկոլականների համար նոր զիջումներ չանելը հաջողություն է համարվում)։ Հովհաննես Մովսիսյանի ֆեյքերը գործի անցան՝ գովերգելով Փաշինյանի արտաքին քաղաքականության ոլորտում հաղթական արշավը։
Երեկ, սակայն, Ալիևը հեռախոսազույց է ունենում Շառլ Միշելի հետ և բարձրացնում ՀՀ կողմից իբր թե օկուպացված 8 ադրբեջանական գյուղերի մասին։
Բա Կոնջորյան ու Հարությունյան, ձայն հանեք։ Ի՞նչի եք լեզուներդ մի «լավ» տեղ կոխել։
Հիմա, այս էլ որերորդ անգամ Ադրբեջանն ասում է 8 անկլավի մասին։ Հայկական կողմը ձայն չի հանում։ Կլինի՞ մեզ բացատրեք՝ այդ ի՞նչ 8 անկլավներ են։
Պատից կախված է 1974թ Մոսկվայում հրատարակված Հայկական ԽՍՀ քարտեզը. այստեղ 3 անկլավ կա 34 քառ. կմ։ Բայց կա 1 հայկական անկլավ Ադրբեջանում՝ Արծվաշենը՝ 41 քառ կմ։
Ինչո՞ւ հայկական կողմը չի ասում սա, ինչո՞ւ չենք հակափաստարկներ հրապարակում։ Անհասկանալի է։
p.s. Ո՞վ է Փաշինյանին իրավունք տվել համոզել Եվրոպային Ադրբեջանի դեմ սանկցիաներ չկիրառել։ Փաշինյան, դա միակ ձևն է Արցախը ետ բերելու։ Դա հայրենիք է, ինչպես Ենոքավանը։
Բան չեմ հասկանում…
