Ազգային ժողովի «Հայաստան» խմբակցության պատգամավոր Քրիստինե Վարդանյանն իշխանական «Քաղաքացիական պայմանագրի» իր գործընկերներին, որ համոզված են՝ պետք է ձերբակալել ՌԴ նախագահ Վլադիմիր Պուտինին, խորհուրդ է տալիս միանգամից նաև Չինաստանին պատերազմ ու ԱՄՆ նախագահ Ջո Բայդենին ձերբակալելու մասին հայտարարել։
«Այդ դեպքում շատ ավելի հեշտ կլինի նրանց գործը, միանգամից կասեն՝ դե ի՞նչ անենք, ժողովուրդ ջան, որևէ մեկը մեզ չի ցանկանում օգնել։ Մենակ ենք մնացել»,- նշում է նա։
Ըստ պատգամավորի՝ իշխանությունն ինքնիշխանությունն ու հակառուսականությունը խառնել է իրար։ Բացատրում է՝ ինքնիշխան պետությունն իր տարածքից մասունք անգամ չի զիջում, կարողանում է այնպես անել, որ հակառակորդն իր տարածք մտնելու մասին չմտածի անգամ։
«Ինքնիշխանությունը ոչ թե հիմար կամ հակառուսական հայտարարություններ անելն է, այլ այնպես գործելը, որ քո երկրի ճանապարհները հակառակորդը չկարողանա շրջափակել»,- ընդգծում է նա։
Ս․Վ․
