Գերմանիայի ջախջախման ավարտին դաշնակիցները ունեին որոշում լյուստրացիայի ենթարկել ամբողջ արական բնակչությանը։
Հաջորդող ութ տարիներին միլիոնավոր գերմանացիներ անցան հարցաքննության, կալանավայրերի, համակենտրոնացման ճամբարի միջով։
Հիտլերյան պետական ապարատի հետ նույնիսկ աննշան առնչություն ունեցած անձիք զրկվեցին պաշտոն զբաղեցնելու իրավունքից, շատերին զրկեցին հացի կտրոններից, վտարեցին պետական, համայնքային հիմնարկներից։
Հատկապես դաժան հետապնդման ենթարկվեցին ֆաշիզմի հետ համագործակցած Ռեյխստագի պատգամավորները, նաև նրանք, ովքեր քվեարկել էին լեգիտիմ ընտրված կանցլեր Հիտլերի բերած օրինագծերին։
Ինչո՞ւ եմ այս ամենը հիշել. որովհետև այսօր ՀՀ ազգային ժողով կոչված պահեստարանում ծավալված վիճաբանության ընթացքում հնչած պատասխանները, դրանց քսմտելի «կրուտիտները», ընդհանրապես ներկաների վարքագիծը վկայում են, որ հայկական Նյուրնբերգն անհրաժեշտություն է, և պետք անել առավելագույնը, որպեսզի այն լինի անխուսափելի։
Կադաստրի պետական կոմիտեի ղեկավարին հարց է ուղղում Գառնիկ Դանիելյանը և պնդում, որ սեփականության իրավունքի վկայականներ ունեցող քաղաքացիները զրկվել են իրենց գույքային իրավունքներից։ Նրանց գույքը հանձնվել է Ադրբեջանին։ Բնականաբար, կադաստրի պետը սիգ ձկան սառնասրտությամբ հայտարարում է, որ ինքը տեղյակ չէ Կիրանց գյուղի բնակիչների պահանջներին։ Նման հիմնարկի ղեկավարի անհեթեթությունների վրա օգնության են շտապում քպ-ական ինչ-որ պատգամավորներ։ Մեկը պնդում է, որ Ոսկեպարի եկեղեցին մզկիթ չի դարձել։ Հակառակ իր վտիտ արտաքինի՝ խոսում է այնպիսի խրոխտ կերպարանքով, ասես Բաքվից հենց նոր է եկել ու ադրբեջանցիներից երդման թուղթ բերել։ Մյուսը հայտարարում է, որ Կիրանցում դպրոց կառուցելը նախկինների չար միտքն է, և փառք իրենց իշխանությանը, այժմ կա դպրոց և ուրեմն կա ապագա։
Այս վերջին երկու «Սիսակյան և Բաբկենյան» արարածներին ընդամենը հիշեցնեմ, որ Արցախում իրենց քպ իշխանության մեղքով կորցրել ենք շուրջ 500 մատուռ, եկեղեցի, դրանց շարքում՝ սուրբ Թադեոսի վանքը, Ամարասի եկեղեցին՝ Մեսրոպ Մաշտոցի դպրանոցը։
Հայկական Նյուրնբերգ լինելու է, և քպ իշխանության բոլոր պաշտոնյաները պետք է պատասխան տան, թե ինչու են ուրացել Արցախը։
Իմիջիայլոց, Գառնիկ Դանիելյանին էլ կարելի է հորդորել, որ իր ընդդիմադիր ընկեր պատգամավորների հետ վերջապես լքեն Ազգային ժողովի վարկաբեկված տարածքը։
Հայկական Նյուրնբերգ լինելու է՝ դավաճանների կուսակցության, նրա հետ փոխանցումներով օր մեռցնող ընդդիմադիրների համար։
Հրայր Համենդատյան,«Հայաքվե» նախաձեռնության ներկայացուցիչ
