Ես կարծում եմ, որ ռուսաստանյան հանդիպման նախաձեռնողը հատկապես Ալիևն է։ Ու խնդիրն այն չէ, որ Ալիևը ցանկանում է խաղաղության պայմանագիր, այլ հենց այն է, որ ԱՄՆ նախագահ Բայդենը փորձում է հնարավորինս արագացնել գործընթացը և այն պահել իր վերահսկողության ներքո։
Այս իրավիճակում Ալիեւի խնդիրն այն է, որ սկսի ինչ-որ ձևական գործընթաց և ապագայում դա «վաճառի» որպես արդեն սկսված գործընթաց, որին պետք չէ խանգարել կամ միջամտել։
Ի դեպ, եթե հիշում եք, 2023 թվականին հենց այդ նպատակով Ալիեւը սկսեց շրջանառել բանակցային գործընթացի երկկողմ ֆորմատը, որի մասով անգամ ցույց տվեց, թե իբր կենսունակ ձևաչափ է, և դրա արդյունքում տեղի ունեցավ գերիների ազատման սիմվոլիկ գործընթաց։
Վաղը Ալիեւը Բայդենին արդեն կտա իր մշտական պատասխանը. «Հայաստանի հետ մենք բանակցում ենք երկկողմ ձևաչափով, որը ունի կոնկրետ արդյունքներ…»:
Իսկ Հայաստանից, ինչպես միշտ, կհնչեն մելամաղձոտ հառաչներ, թե Ադրբեջանը ուզում է հարձակվել, եթե չտանք իր ուզածը…
Քաղաքագետ Արա Պողոսյան
