Սա բռնության բացարձակ դրսևորում է, որը որևէ իրավական հիմք չունի, կարծում է նախկին դեսպան Արմեն Մելքոնյանը։
Սամվել Կարապետյանի ձերբակալությունը Հայաստանի իշխանությունների կողմից ազգային արժեհամակարգի դեմ ձեռնարկված քայլերի շղթայի ևս մեկ օղակ է։ Այս կարծիքը հայտնել է Եգիպտոսում Հայաստանի նախկին դեսպան, Լոս Անջելեսում և Հալեպում նախկին գլխավոր հյուպատոս Արմեն Մելքոնյանը, որը հանդես է եկել գործարարի պաշտպանության օգտին։
Արմեն Մելքոնյանն իր վրդովմունքն է հայտնել Կարապետյանի կալանավորման և ձերբակալման փաստի կապակցությամբ։ Նրա կարծիքով, այս դեպքը բռնության բացարձակ դրսևորում է, որը որևէ իրավական հիմք չունի։
«Հայտնի գործարարի, ազգային բարերարի ձերբակալությունը որևէ կապ չունի արդարադատության հետ։ Սա ևս մեկ հարված է ժողովրդավարությանը, մարդու հիմնարար իրավունքներին, մասնավորապես՝ խղճի և խոսքի ազատությանը մեր երկրում։ Տեղի ունեցածն ավելին է, քան մեկ անձի նկատմամբ քաղաքական հետապնդում։ Սա ուղղակիորեն կապված է մեր ազգային արժեհամակարգի դեմ ներկայումս ծավալվող արշավի հետ», – ընդգծեց Մելքոնյանը։
Արմեն Մելքոնյանի տեսանկյունից Սամվել Կարապետյանը՝ որպես հայ և քրիստոնյա, իր հայտարարության մեջ պարզապես աջակցում է Հայ Առաքելական Եկեղեցուն, որը ենթարկվում է աննախադեպ հալածանքների և այդ հայտարարությունը հիմք է հանդիսանում նրա ձերբակալության համար։
«Ես միանում եմ բոլոր նրանց, ովքեր պահանջում են Սամվել Կարապետյանին անհապաղ ազատ արձակել: Ես նաև օգտվում եմ այս հնարավորությունից՝ հաստատելու իմ անվերապահ աջակցությունը ՀԱԵ-ին և Ամենայն հայոց կաթողիկոս Գարեգին Երկրորդին», – ասել է Արմեն Մելքոնյանը:
Աղբյուր՝ sputniknews
