Իրավապահ մարմիններին կոչ ենք անում քայլեր ձեռնարկել Գեղամ Նազարյանի կողմից Անի Գևորգյանի մասնագիտական աշխատանքի խոչընդոտման դեպքի լրիվ և համակողմանի քննության առնչությամբ։
Նշենք, որ այսօր «Հայաստան» խմբակցության պատգամավոր Գեղամ Նազարյանը գնացել է Կիրանց ու խոչընդոտել լրագրող Անի Գևորգյանի և նրա օպերատորի աշխատանքը՝ թույլ չտալով այնտեղ նկարահանումներ իրականացնել։
Այնուհետև Գեղամն Նազարյանը վիրավորել է Անի Գևորգյանին, նրան անվանել սադրիչ, շարունակել պնդել, որ նա չլուսաբանի Կիրանցում կատարվող իրադարձությունները։
Անի Գևորգյանը հարց է ուղղել «Հայաստան» դաշինքին՝ քաղաքական այս ուժը Գեղամ Նազարյանի դիրքորոշման հետ համամի՞տ է։
Հարցին ի պատասխան՝ Իշխան Սաղաթելյանը հետևյալ հրապարակումնէ արել.
«Գեղամ Նազարյանի հնչեցրած հուզական արտահայտությունները չեն հանդիսանում «Հայաստան» խմբակցության դիրքորոշումը և չեն արտահայտում խմբակցության պատգամավորների տեսակետը:
Հուսամ` պարոն Նազարյանը դեպքի հետ կապված լրացուցիչ պարզաբանումներ կներկայացնի: Հավելեմ նաև, որ մեզ համար անընդունելի է ԶԼՄ որևէ ներկայացուցչի նկատմամբ անհարգալից վերաբերմունքը կամ վիրավորանքը»:
