Քոլեջների սովորողների կրթական մակարդակի բարձրացումը պայմանավորված է նաեւ դասախոսների մասնագիտական վարպետության աստիճանից: Այս տեսակետից մեծ եւ շնորհակալ աշխատանք է կատարվում Մասնագիտական կրթության եւ ուսուցման զարգացման ազգային կենտրոնի (ՄԿՈՒԶԱԿ) կողմից:
Վերջերս Մասնագիտական կրթության եւ ուսուցման զարգացման ազգային կենտրոնի (ՄԿՈՒԶԱԿ) կողմից մանկավարժական աշխատողների վերապատրաստման դասընթացներին մասնակցեցին Երեւանի մի շարք քոլեջների`այդ թվում Երեւանի Ն. Աճեմյանի անվան տարածաշրջանային թիվ 2 պետական քոլեջի դասախոսները:
Վերապատրաստումներն իրականացվեցին հետեւյալ թեմաներով` մոդուլային ուսումնական ծրագրերի կազմում, դասավանդողի կողմից ուսումնառության գործընթացի պլանավորում, ուսանողի ակտիվ ուսումնառության ապահովում, կարճաժամկետ դասընթացների համար փաստաթղթերի մշակում, աշխատանք՝ փորձարարական կարգով ներդրված փաստաթղթերի հետ, կարողությունների գնահատման մոտեցումների կատարելագործում: Շնորհակալություն ենք հայտնում ՄԿՈՒԶԱԿ -ի տնօրենությանը եւ տիկին Ռ. Խաչիկյանին դասավանդումը փայլուն ձեւով իրականացնելու համար:
ՍՏԵՓԱՆ ՊԱՊԻԿՅԱՆ
Խմբագրության կողմից.-Հարկ է նշել, որ անվանի գիտնական, բազմավաստակ եւ հմուտ դասախոս, «Ազգ»-ի երկարամյա աշխատակից Ս.Պապիկյանը նույնպես անցավ դասախոսների մասնագիտական վարպետության բարձրացման դասընթացները, եւ շուտով բոլոր մասնակիցները կստանան համապատասխան վկայագրեր:
