Ներկայում ՀՀ միջին մասնագիտական հաստատություններում ուսման մակարդակի բարձրացման համար կարեւոր նշանակություն ունի բաձր որակի կադրերի`դասախոսների առկայությունը: Քոլեջներում ճիշտ կլիներ խրախուսել գիտնականների դասավանդումը, որը հնարավորություն կտա լուծել բազմաթիվ հարցեր: Հարկ է նշել նաեւ, որ ներկայում ՀՀ քոլեջներում սովորում են տասնյակ հազարավոր աշակերտներ:
Առաջարկում եմ հետեւյալը. ՀՀ քոլեջներում գիտնական դասախոսների դրույքային աշխատավարձը ավելացնել առնվազն 50 տոկոսով եւ ունենալ ավագ դասախոսի կամ քոլեջի պրոֆեսորի հաստիք, որն անշուշտ կնպաստի ուսման որակի զգալի բարձրացմանը: Դասախոսների աշխատավարձի բարձրացումը, անտարակույս, կնպաստի ուսման առաջադիմության կտրուկ բարձրացմանը,որն էլ հաջողության հասնելու կարեւոր պայման է:
ՍՏԵՓԱՆ ՊԱՊԻԿՅԱՆ
