2023 թվականի սեպտեմբերի 18-22-ը Երեւանում եւ Ծաղկաձորում անցկացվեցին RREPS-2023 «Ռելատիվիստական էլեկտրոնների ճառագայթումը պարբերական կառուցվածքներում» XIV միջազգային սիմպոզիումը եւ MEGHRI-2023 «Էլեկտրոնների, պոզիտրոնների, նեյտրոնների եւ ռենտգենյան ճառագայթների ցրումը արտաքին ազդակների առկայությամբ» VIII միջազգային գիտաժողովը՝ նվիրված ՀՀ ԳԱԱ 80-ամյակին: Կազմակերպիչներն են ՀՀ Գիտությունների ազգային ակադեմիայի Ֆիզիկայի կիրառական պրոբլեմների ինստիտուտը եւ Երեւանի պետական համալսարանը:
ՀՀ ԳԱԱ-ում մասնակիցներին ողջունեց է ՀՀ ԳԱԱ Ֆիզիկայի եւ աստղաֆիզիկայի բաժանմունքի ակադեմիկոս-քարտուղար Ռ. Կոստանյանը:
«Վստահ եմ, որ այս սիմպոզիումի եւ գիտաժողովի ժամանակ կլինեն հետաքրքրական քննարկումներ, արդյունավետ համագործակցություն, իսկ միջոցառման ավարտից հետո կշարունակվեն համատեղ ուսումնասիրությունները»,- ասել է ակադեմիկոս Կոստանյանը:
Գիտաժողովը շարունակվել է Ծաղկաձորում: Ներկայացվել են գիտական զեկուցումներ՝ նվիրված կոնդեսացված վիճակի ֆիզիկայի եւ ակուստաֆիզիկայի բնագավառների արդիական խնդիրներին, մասնավորապես՝ էլեկտրոնների եւ պոզիտրոնների փոխազդեցությանը պինդ մարմինների հետ տարբեր արտաքին ազդակների առկայության պայմաններում, ռենտգենյան ճառագայթների եւ նեյտրոնների ցրմանը բյուրեղներում, տերահերցային, ռենտգենյան եւ նեյտրոնային ճառագայթումների կիրառություներին:
Միջոցառման շրջանակներում Մեղրիում կանցկացվի երիտասարդ գիտնականների միջազգային դպրոցը:ՍՏԵՓԱՆ ՊԱՊԻԿՅԱՆ
