Պատերազմի պատճառով Իսրայելը խիստ սահմանափակել է Բեթղեհեմ մուտքը: Ո՛չ ուխտավորները, ո՛չ էլ զբոսաշրջիկները չեն կարող այցելել քաղաք, որը հատկապես սուրբ Ծննդյան օրերին տնտեսապես կախյալ էր այցելուներից: Քաղաքի կենտրոնում, ուր հսկա ծառն ու լույսերը հուշում էին տոնի մասին, այժմ չկան, նախատոնական շունչն էլ բացակայում է, ծանուցում են գերմանական ԶԼՄ-ները: Երուսաղեմի պաղեստինցի քրիստոնյաների համար չափազանց տխուր է, քանի որ Ռամալլահից եւ Նազարեթից չեն կարող Հիսուսի ծննդավայր գնալ, մուտքերը փակ են: Բեթղեհեմի արհեստավորները, ռեստորանատերերը, հուշանվերների խանութպանները, տաքսու վարորդները հույս չունեն, որ այս տարի նույնիսկ մեկ դոլար շահ կանեն: Բոլորն աղոթում են, որ պատերազմը շուտ ավարտվի: Տա՛ Աստված:
ԱՆԱՀԻՏ ՀՈՎՍԵՓՅԱՆ
