Սեպտեմբերի 27-ին, Արցախյան 44-օրյա պատերազմի մեկնարկի երրորդ տարեդարձի օրը, Ռուսական Պլեխանովի անվան տնտեսագիտական համալսարանի Երեւանի մասնաճյուղում տեղի ունեցավ «Հավերժ հիշատակ եւ փառք Հայրենիքի համար զոհված հերոսների հիշատակին» նվիրված միջոցառում:
Միջոցառմանը ներկաները մեկ րոպե լռությամբ հարգեցին բոլոր զոհվածների հիշատակը: Մենք միշտ խորապես պարտական ենք լինելու բոլոր նրանց, ովքեր պաշտպանել են մեր Հայրենիքը: Պատերազմը խլեց հազարավոր մարդկանց կյանքեր, որոնց մեծ մասը շատ երիտասարդ էր: Նրանց թվում էին համալսարանի Երեւանյան մասնաճուղի քաջարի ուսանողները` Աբրահամյան Սերգեյ, Հայրապետյան Էդգար, Երկանյան Հայկ, Նալբանդյան Բենիամին, Թադեւոսյան Արամայիս:
Հարկ է նշել, որ տղաները զոհվեցին, որպեսզի ապրենք մենք եւ հզորացնենք մեր հայրենիքը: Անհրաժեշտ է ունենալ հզոր բանակ, հետեւաբար տնտեսության զարգացումը կարեւոր գործոն է:
ՍՏԵՓԱՆ ՊԱՊԻԿՅԱՆ
