Օրերս համացանցով մի գրություն է հրապարակվել, որի բովանդակությունը ուղղված է ինձ, եղբորս՝ Փառեն արք. Ավետիքյանին եւ… Ամենայն Հայոց Վեհափառ Հայրապետի դեմ:
Գրությանը ծանոթացած ընկերներս, Հայաստանից թե Սփյուռքից, խնդրելու պես պահանջում են արձագանքել եւ ըմբերանիչ պատասխան տալ ձեւով կատարելապես անգրագետ ու բովանդակությամբ անհեթեթ այդ գրությանը:
Չեմ կարող ընկերներիս խնդրանքը կատարել, չեմ էլ ցանկանում, որ մեկ ուրիշն էլ դա անի: Սովորություն չունեմ անստորագիր գրություններին ո՛չ արձագանքելու, ո՛չ էլ դրանք հյուրընկալելու մեր թերթում: Հիշյալ գրության հեղինակը կամ հեղինակները ոչ միայն չեն ստորագրել, այլեւ հատուկ ջանք են գործադրել թաքցնելու կամ քողարկելու իրենց ինքնությունը: Ինչո՞ւ, ինչի՞ց են վախենում, ումի՞ց են ամաչում: Ժամանակին թուրքախոս հայերը նման պարագաներում կասեին՝ «իշդե մեյդան, իդե շեյթան», որ թարգմանի՝ «ահա՛ հրապարակը, ահա՛ սատանան»:
Դո՛ւրս եկեք ստվերից, ցույց տվեք ձեր դեմքը:
Հ. ԱՎԵՏԻՔՅԱՆ
