2023-ի հոկտեմբերի 7-ից ի վեր աշխարհի ուշադրությունը բեւեռված է Իսրայելի եւ Պաղեստինի վրա: Լրատվահոսքում տիրապետող են բռնությունն ու սարսափելի կորուստները: Գերմանիայի եւ Իսրայելի միջեւ առկա են տարաբնույթ հարաբերություններ, իսկ Պաղեստինը, որպես պատմականորեն զարգացած մշակութային տարածք, հիմնականում անծանոթ է, ծանուցում է Բեռլինի Ազատ համալսարանի ազդագիրը՝ իրազեկելով, որ դասախոսությունների շարք է նախատեսել լրացնելու բացը: Նոյեմբերի 26-ին ժամը 18-20-ը Բեռլինի Ազատ համալսարանում «Աշխարհը մի թաղամասում. Հայերը Երուսաղեմի Հին քաղաքում» վերնագրով դասախոսություն կկարդա Օսմանագիտության եւ թուրքագիտության ինստիտուտի դոկտոր պրոֆեսոր Էլքե Շողիկ Հարթմաննը: Մոր կողմից հայուհի Հարթմանն իր ամուսնու՝ Վահե Թաշչյանի հետ Բեռլինում շատ կարեւոր նախագծի՝ «Հուշամատյանի» հեղինակն է:
ԱՆԱՀԻՏ ՀՈՎՍԵՓՅԱՆ
