Մայիսի 17-ին Եկատերինբուրգում մեկնարկել է նաիվ եւ լուսանցքային արվեստի «Ուրիշ/Նաիվ» փառատոնը: Մինչեւ հուլիս 27-ը Եկատերինբուրգի բնակիչները յոթ վայրերում հնարավորություն ունեն դիտելու 16 նոր ցուցահանդեսներ, որոնցում ներկայացված են 1000 ցուցանմուշներ Ռուսաստանի, Հայաստանի, Խորվաթիայի եւ Դոմինիկյան Հանրապետության մասնավոր հավաքածուներից:
Եկատերինբուրգի գեղարվեստի թանգարանի գլխավոր շենքում ներկայացված են հայազգի ռուսական նկարչուհիներ Նինա Գաբրիելյանի «Մթնում է…» եւ Գայանե Շուշեցու «Կրակով եւ լույսով» վերնագրված ցուցահանդեսները: Իսկ «Էրմիտաժ-Ուրալ» կենտրոնում ներկայացված է «Կոնստանտին Մուրադովի նկարները» ցուցահանդեսը, որտեղ ներկայացված են աշխատանքներ Մոսկվայի Հայ առաքելական եկեղեցու «Տապան» հայկական թանգարանից: Իրենց հավաքածուներից նկարներ են տրամադրել ինքը՝ հայազգի նկարիչ Կոնստանտին Մուրադովը եւ Աստղիկ Ավագյանը:
Ա. Բ.
