Մեր գործընկեր «Պայքար» շաբաթաթերթից տեղեկանում ենք, որ ընթացիկ ամսվա 20-ին Կանադայի մայրաքաղաք Օտտավայում, հանդիսավոր պայմաններում, երկրի կառավարիչ Մերի Սիմոնը Կանադայի բարձրագույն` Order of Canada շքանշանն է շնորհել կանադահայ համայնքի կարկառուն ներկայացուցիչներից դոկտ. Արշավիր Գյոնջյանին: Գնահատելով նրա 50 տարվա վաստակը Կանադայի գիտության զարգացման գործում, ինչպես նաեւ Մոնթրեալի Ալեք Մանուկյան վարժարանի հիմնադրման, Թեքեյան մշակութային միության տեղական մասնաճյուղի եւ «Ապագայ» թերթի ստեղծման, ՀԲԸՄիության հզորացման աշխատանքներում ղեկավար պաշտոններ վարելու համար, կառավարիչ ՄերիՍիմոնը դոկտ. Գյոնջանին է հանձնել պաշտոնական գնահատագիր:
Մերկողմից ավելացնենք, որ դոկտ. Գյոնջյանը 1990-1995 թթ.ին եղել է Ռամկավար Ազատական կուսակցության ատենապետ եւ, միաժամանակ, ցարդ, Թեքեյան մշակութային միության Կենտրոնական վարչության անդամ:Իսկ գիտական ասպարեզում երկար տարիներ որպես ֆիզիկոս դասախոսել է Մոնթրեալի ՄկԳիլ համալսարանում: Որպես գյուտարար, լազերային տեխնոլոգիաների ասպարեզում նրա բազմաթիվ հայտնագործությունները միջազգային ճանաչումունեն:
Ջերմորեն շնորհավորում ենք մեր ղեկավար ընկերոջը պետական բարձրագույն գնհաատանքի արժանանալու առիթով եւ մաղթում նորանոր հաջողություններ:
«Ազգ»
