Բագրավան գյուղը կամուրջ ունի: Այն սելաֆատար ձորի վրայով ձգվում է դեպի Սբ. Համբարձման (Սբ. Ավետիս) մատուռ, այգի եւ մատաղատուն: Յոթ օր շարունակ մարդկանցից ֆիզիկական ծանր աշխատանք պահանջվեց, որոնք հավաքած քարերից կառուցեցին հրաշալի կամուրջը:
Հարկ է նշել, որ Բագրավան գյուղական համայնքը գտնվում է Հայաստանի Շիրակի մարզում, Ախուրյան գետի ձախ ափին, շրջկենտրոնից 40 կմ հարավ-արեւմուտք: Այն իր մեջ ընդգրկում է Նորշեն եւ Բագրավան բնակավայրերը: Հնում կոչվել է Բուղդաշեն (բուղդա՝ ցորեն եւ շեն արմատներից): 1980 թ. դրությամբ զբաղվել է հացահատիկի մշակությամբ, մեղվաբուծությամբ: Բագրավանը հիմնել են նույն շրջանի Շիրակավան գյուղից եկած բնակիչները, 1894 թվականին:Գյուղի բնակչության թիվը 2012թ. դրությամբ կազմում է 959 մարդ:
Անտարակույս, կամուրջ կառուցելը հատկապես սահմանամերձ գյուղում անչափ կարեւոր եւ շնորհակալ գործ է: Հուսանք,որ այս հայրենանվեր գործը շարունակություն կունենա եւ կնպաստի գյուղական տուրիզմի զարգացմանը սահմանային գյուղում:
ՍՏԵՓԱՆ ՊԱՊԻԿՅԱՆ
