Ադրբեջանում գործող Հեյդար Ալիեւ հիմնադրամը կաջակցի սուրբ Պողոսի տաճարի արտաքին վերականգման աշխատանքներին: Ակնկալվում է, որ 2025 թ-ին 30 միլիոն ուխտավոր է այցելելու տաճար, եւ կրոնական վայրում նրանց անվտանգությունը պահպանելու նկատառումներից ելնելով, նման նորոգությունն անհրաժեշտ է: Սա ի թիվս այլոց Բեռլինում Ադրբեջանի դեսպանն է տարածել երեկ X-ի իր հարթակում: Նա ձեռնպահ է մնացել հաղորդելու մեկ ուրիշ հայտարարություն, որը նույն օրը զետեղել է իր երկրի apa լրատվականը: «Ռուս ուղղափառ եկեղեցին միշտ սատարել է Ադրբեջանի տարածքային ամբողջականությանը: Անհրաժեշտության դեպքում մենք ջանք կգործադրենք վերականգնելու ավերակված կրոնական հուշարձանները ազատագրված տարածքներում», ասել է Ադրբեջանի եւ Բաքվի եպիսկոպոս Ալեքսիյ Սմիռնովը:
Հարց ուղղենք՝ վերականգնելուց առաջ չե՞ք կանխի դրանց բնաջնջումը ձեր սիրելի ազերիների իսկ ձեռքով:
ԱՆԱՀԻՏ ՀՈՎՍԵՓՅԱՆ
Գերմանիա
