Վարչապետ Նիկոլ Փաշինյանիՙ մեկը մյուսից անտրամաբանական ու իրար հակասող հայտարարությունները շատ վաղուց չեմ քննարկում, դրանցից չեմ զարմանում ու արդեն չեմ էլ զայրանում: Մարդու բնույթն է այդպիսին. վարչապետ Փաշինյանը խանդավառությամբ ու անասելի եռանդով պետք է հերքի ու հակասի ընդդիմադիր Փաշինյանին:
Օրերս տեղի ունեցած մամուլի ասուլիսի ժամանակ Նիկոլ Փաշինյանը այդպիսի հերթական հակասությունն է հրապարակ բերելՙ ասելով, թե պաշտանության նախարար Սուրեն Պապիկյանին ու նախկին փոխվարչապետ Տիգրան Ավինյանին միտումնավոր են բուհերի հոգաբարձուների նախագահներ կարգել, որ բուհերը վերջապես կարողանան ազատել կուսակցակապետությունից: Փաստորեն, իշխող “Քաղաքացիական պայմանագիր” կուսակցության վարչության նախագահ Սուրեն Պապիկյանին մայր բուհիՙ Եր¨անի պետական համալսարանի հոգաբարձուների խորհրդի նախագահ դարձնելը ոչ այլ ինչ է, եթե ոչՙ բուհը քաղաքական ամենատարբեր եր¨ույթներից մաքրելու մտահոգ քայլ: Եթե Հանրապետականի ներկայացուցիչները, բուհերի հոգաբարձուների խորհրդում ներգրավվելով, բուհերը քաղաքականացնում էին, ապա Փաշինյանի կուսակիցները դրանք աղ ու ավազով, ծծմբական թթվով կամ մեծ մուրճերով կազմաքանդում են: Տրամաբանությունը, համաձայնեք, ֆանտաստիկ է, որպես նորՙ տիեզերքից եկած անհասկանալի վերլուծություն, հոգեբանները կամ գիտնականները կարող են վերլուծել Փաշինյանի այս միտքը, ¨ վերջապես բոլորիս պարզ լինիՙ ո՞վ է բուհը կուսակցապետության վերածումՙ ՀՀԿ-ականնե՞րը, թե՞ ՔՊ-ականները:
Իրականում, բուհերը բռի մեջ պահելու, ուսանողներին էլ որպես պոտենցիալ էլեկտորատ ունենալու տեսլական միշտ ու բոլոր իշխանություններն են ունեցել: Անխոս, հանրապետականները սուրբ չէին, ինքս էլ հիշում եմ, որ Ուսանողական խորհուրդների ամենակատիվ ու “պահը հասկացող” երիտասարդներն ՈՒԽ-ից հետո ՀՀԿ-ի շարքերում էին հայտնվում, հետոՙ պատգամավորների օգնականների աթոռին կամ նախարարություններում, ու կարիերա սկսում: Նույն պատկերն էլ, վստահաբար, այժմ է, պարզապես ՀՀԿ-ն փոխարինվել է ՔՊ-ով: Իրապես սովորող ու համալսարան գիտելիքի, մասնագիտության հետ¨ից եկած ուսանողի համար բնավ էական չէ, թե տվյալ բուհի հոգաբարձուների խորհրդի նախագահն ով է: Նրան հաստատապես չի հուզում նա¨, թե Նիկոլ Փաշինյանը 2018-ի իշխանափոխության օրերին ի՞նչ էր ասում բուհերի քաղաքականացման մասին ու ի՞նչ է ասում այժմ: Նրան գիտելիք է պետք, ոչ թե քաղաքական գզվռտոցների անդուլ տեսարաններ:
