| Կրթությունը յուրաքանչյուր քաղաքակիրթ երկրում առաջնային ոլորտներից է: Սակայն, նյութական խնդիրների պատճառով շատ երեխաներ զրկված են նվազագույն կրթական ծրագրից: 2010թ. սկսած «Թեքեյան Կենտրոն» հիմնադրամն իրականացնում է «Անվճար դասագրքեր կարիքավոր երեխաների համար» ամենամյա ծրագիրը եւ օժանդակում առավել անապահով երեխաներին ստանալ անվճար դասագրքեր:Ծրագիրն իրականացվում է նվիրատվությունների շնորհիվ, որոնք մասնավորապես ապահովվում են Լոնդոնի Թեքեյան խնամակալ մարմնի կողմից Մեծ Բրիտանիայում եւ այլ երկրներում կազմակերպված դրամահավաքների միջոցով:2021-2022 ուսումնական տարում «Թեքեյան Կենտրոն» հիմնադրամը 2,149 անվճար դասագիրք է տրամադրել 154 անապահով աշակերտի Երեւանից, Գյումրիից, Ստեփանավանից եւ Կարբի գյուղից, դրանով իսկ մեղմելով ընտանիքների նյութական հոգսը: Իսկ ծրագրի իրականացման տասներեք տարիների ընթացքում ընդհանուր առմամբ հիմնադրամը 2,028 շահառուի տրամադրել է 27,570 դասագիրք 13,753,321 ՀՀ դրամ արժողությամբ:Հիմնադրամը նպատակ ունի ընդլայնել ծրագիրը, ուստի հայցում եւ ակնկալում է Հայաստանի եւ Սփյուռքի կազմակերպությունների եւ անհատների տեւական համագործակցությունն ու օժանդակությունը սոցիալապես անապահով ընտանիքների երեխաներին:Նվիրատվություն կարող եք կատարել`«Թեքեյան Կենտրոն» հիմնադրամ/ՀՀ, Երեւան 0025, Խանջյան 50/Բանկ` «Ամերիաբանկ» ՓԲԸԲանկային հաշիվ` 15700 22679770200 (ՀՀ դրամ)SWIFT / BIC: ARMIAM22«Թեքեյան Կենտրոն» հիմնադրամը հայտնում է իր խորին երախտագիտությունը բոլոր նվիրատուներինՙ հայ դպրոցի զարգացման եւ բարգավաճման հայրենանվեր գործին աջակցելու համար: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԱՆՎՃԱՐ ԴԱՍԱԳՐՔԵՐ ԿԱՐԻՔԱՎՈՐ ԵՐԵԽԱՆԵՐԻ ՀԱՄԱՐ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական