Հավատարիմ ՀԲԸ Միության առաքելությանն իրենց ցուցաբերած շարունակական աջակցությանըՙ ՀԲԸՄ Հոգաբարձուների խորհրդի նախագահ Վաչե Մանուկյանը եւ նրա տիկին Թամար Մանուկյանը հայտարարել են մեկ միլիոն դոլար տարեվերջյան նվիրատվության մասինՙ հաջակցություն կազմակերպության ծրագրերի եւ գործունեության ընդլայնման։
Արձագանքելով հայտարարությանըՙ ՀԲԸՄ նախագահ Պերճ Սեդրակյանը նշել է. «Գաղտնիք չէ, որ Մանուկյանների առատաձեռնությունը բխում է ոչ միայն նրանցՙ որպես հպարտ հայերի եւ նվիրված մարդասերների սրտի խորքից, այլ նաեւ ռազմավարական նկատառումներից։ Ձեռքը մշտապես ժամանակի զարկերակինՙ նրանք կարողանում են ճիշտ գնահատել կարիքները, որսալ պահը եւ ապահովել ապագան։ Մենք երախտապարտ ենք Մանուկյաններին եւ մեր բոլոր դոնորներին, առանց որոնց աջակցության ՀԲԸՄ-ն չէր կարող բարեհաջող իրականացնել իր առաքելությունը»։
Լիբանանում ծնված եւ բազմաթիվ երկրներում բիզնեսներ ղեկավարող Վաչե Մանուկյանը բարեսիրության անկեղծ մղումը ժառանգել է իր ընտանիքից եւ հիմնել բարեգործական նախաձեռնությունների կայացած ավանդույթներ ողջ աշխարհում։ Իր տիկնոջ հետ միասին նա երկար տարիներ աջակցել է Հայ Եկեղեցու գործունեության եւ ընդհանրապես հայկական շահերի խթանմանը։ Նրանց բարեգործության ոգին տարածվել է բազմաթիվ նախաձեռնությունների վրա, ընդ որումՙ ի շահ ոչ միայն հայության, այլեւ միջազգային ավելի լայն հանրությանՙ նրանց աջակցությամբ իրականացված խոշոր մարդասիրական, կրթական, մշակութային ու կրոնական ծրագրերի միջոցով։
Լուսանկար. ՀԲԸՄ Հոգաբարձուների խորհրդի նախագահ Վաչե Մանուկյանը եւ նրա տիկին Թամար Մանուկյանը
22 դեկտեմբեր 2021թ
