ԱՎՍՏՐԻԱՆ ՍԱՀՄԱՆԱՓԱԿՈ՞ՒՄ Է ԺՈՂՈՎՐԴԱՎԱՐՈՒԹՅՈՒՆԸ

Ավստրիան մտադրություն ունի 2022 թվականի փետրվարից սկսյալ14 տարեկանից բարձր քաղաքացիների համար պարտադրել կորոնայի դեմ պատվաստումը, չենթարկվողների համար սահմանելով բարձր տուգանք: Գերմանական լրատվամիջոցների հաղորդմամբ, երեկ այսպիսի մտադրության մասին է հաղորդել երկրի առողջապահության նախարարը: Պարտադրանքը չի տարածվելու հղիների, զանազան հիվանդությունների պատճառով հակացուցում ունեցող հիվանդների վրա, ինչպես նաեւ շրջանցելու է այն առողջացածներին, որոնց վարակվելու օրը չի հատել 180-ի սահմանը: Մտադրությունն անշուշտ դեռ օրենքի ուժ չունի, փորձագիտական եզրակացությյուն պիտի կազմվի, բայց ընդդիմադիրների մեծ մասը համաձայն է: