10.11.2021 – 01.12.2021
«Երեւանի պետական համալսարան» հիմնադրամի հոգաբարձուների խորհուրդը ԵՊՀ կառավարիչ-ռեկտորի (այսուհետՙ ռեկտորի) թափուր պաշտոնի համալրման համար հայտարարում է բաց մրցույթ:
Մրցույթին կարող են մասնակցել գիտական աստիճան եւ առնվազն 5 տարվա ակադեմիական ու գիտական գործունեության ստաժ ունեցող անձինք:
Ռեկտորի թափուր պաշտոնի համալրման մրցույթին մասնակցելու համար անհրաժեշտ է ներկայացնել հետեւյալ փաստաթղթերը`
ա) հավակնորդի ինքնաառաջադրման դեպքում` գրավոր դիմում, իսկ ԵՊՀ կառուցվածքային ստորաբաժանումների կողմից առաջադրվելու դեպքում` ստորաբաժանման համապատասխան որոշումը եւ հավակնորդի գրավոր համաձայնությունը,
բ) լուսանկար,
գ) ինքնակենսագրություն/ռեզյումե,
դ) բարձրագույն կրթության դիպլոմի պատճենը, գիտական աստիճանը հավաստող վկայականի պատճենը, առնվազն 5 տարվա ակադեմիական եւ գիտական գործունեության ստաժը հավաստող փաստաթղթեր (աշխատանքային գրքույկի պատճենը կամ տեղեկանք աշխատանքի վայրից),
ե) հավակնորդի գործունեության ծրագիրըՙ փակ եւ կնքված փաթեթով, որը բացվում է հայտերի ընդունման վերջնաժամկետից հետո:
«գ», «դ» եւ «ե» ենթակետերով նախատեսված փաստաթղթերը ներկայացվում են նաեւ ԵՊՀ հոգաբարձուների խորհրդին PDF ձեւաչափով, էլեկտրոնային փոստի միջոցովՙ board@ysu.am:
Դիմումներըՙ կից փաստաթղթերով, ընդունվում են 2021 թ. նոյեմբերի 10-ից մինչեւ դեկտեմբերի 1-ը ներառյալ:
Հաշվի առնելով «Covid-19» համավարակով պայմանավորված իրավիճակը, մրցույթի մասնակցության դիմումները (փաստաթղթերը` բնօրինակներով) անհրաժեշտ է փոստային ծառայության միջոցով ուղարկել «Երեւանի պետական համալսարան» հիմնադրամի հոգաբարձուների խորհրդի քարտուղարին (հասցեՙ 0025, ք. Երեւան, Ալեք Մանուկյան 1, ԵՊՀ կենտրոնական մասնաշենք, թիվ 508 աշխատասենյակ):
Մրցույթը տեղի է ունենալու 2021 թ. դեկտեմբերի 17-ինՙ ժամըՙ 11:00-ին, Երեւանի պետական համալսարանի գիտական խորհրդի նիստերի դահլիճում (հասցեՙ ք. Երեւան, Ալեք Մանուկյան 1, ԵՊՀ կենտրոնական մասնաշենք, 5-րդ հարկ):
ԵՊՀ ռեկտորի թափուր պաշտոնի հավակնորդների առաջադրման, ընտրությունների անցկացման եւ ռեկտորի նշանակման կարգը սահմանվում է «Երեւանի պետական համալսարան» հիմնադրամի ռեկտորի ընտրության կանոնակարգով, որը տեղադրված է ԵՊՀ ինտերնետային պորտալի «Փաստաթղթեր» բաժնում (documentation.ysu.am):
Լրացուցիչ տեղեկությունների համար դիմել ԵՊՀ հոգաբարձուների խորհրդի քարտուղարին էլեկտրոնային փոստի միջոցովՙ board@ysu.am:
«Երեւանի պետական համալսարան» հիմնադրամի հոգաբարձուների խորհուրդ
