Հինգշաբթի, Հոկտեմբերի 2, 2025
Ազգ
Wildberries
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները
Ոչինչ չի գտնվել
Տեսնել բոլոր արդյունքները
Ազգ
Ոչինչ չի գտնվել
Տեսնել բոլոր արդյունքները

ԽԵՂՃՆ ՈՒ ԿՐԱԿԸ

01/10/2021
- 01 Հոկտեմբերի, 2021, ԱԶԳ շաբաթաթերթ
Կիսվել ՖեյսբուքումԿիսվել ԹվիթերումՈւղարկել Տելեգրամով

Աշխարհի ո՞ր քաղաքն է ձեզ ամենաշատը դուր գալիս, կամ որո՞նք: Ինձ օրինակ, միշտ դուր է եկել Դանիայի մայրաքաղաք Կոպենհագենը, չնայածՙ չի բացառվում, որ եթե գոնե մեկ անգամ այնտեղ լինեմՙ կհիասթափվեմ արեւի բացակայությունից, ինչեւէ: Իսկ աշխարհի ո՞ր քաղաքում ազգականներ ունեք, ավելի ճիշտ, քանի որ հայ եք, աշխարհի ո՞ր քաղաքում ազգականներ չունեք: Ենթադրենք ընտրում եք Լոս Անջելես քաղաքը, հիմա պատկերացրեք, որ դառնում եք Հայաստանի ղեկավար, ու քանի որ Լոս Անջելեսում ազգականներ ունեք, Կոպենհագենն էլ ամենաշատն եք սիրում, հայտարարում եք, որ եթե համապատասխանաբար ԱՄՆ-ն ու Դանիան Հայաստանին չտրամադրեն միջանցքՙ դեպի Լոս Անջելես ու Կոպենհագեն, ապա ձեր համբերության բաժակը կլցվի ու Հայաստանը նորից ցույց կտա իր երկաթյա բռունցքի ուժգնությունըՙ հարցը լուծելով պատերազմի միջոցով:

Գրեթե նույն բանն այսօր անում է Ադրբեջանի նախագահը, եթե իհարկե Ադրբեջանի նախագահը չգիտի մի այնպիսի բան, որից մենք տեղյակ չենք: Դե օրինակ, Հայաստանի ղեկավարը նրան թեկուզ բանավոր չի խոստացել այն, ինչն այսօր պահանջում է Իլհամ Ալիեւը:

Լավ, այս որքա՞ն ենք խեղճացել: Ուշադրություն, Ադրբեջանը չի պահանջում ճանաչել Լեռնային Ղարաբաղըՙ որպես Ադրբեջանի մաս, ինչը գոնե միջազգային հանրության խավիարասեր կամ խավարասեր հատվածի համար հասկանալի կլինի, Ադրբեջանն այսօր պահանջում էՙ տվեք միջանցք, որ մենք հասնենք Նախիջեւան (իմիջիայլոցՙ Նախիջեւան- Հ.Ա.), իսկ եթե ոչՙ ապա պատրաստվեք պատերազմի, ինչի արդյունքում մենք ձեզ կճզմենք, ինչպես ճզմեցինք 44-օրյա պատերազմի ժամանակ: Ու կարեւորն այն չէ, որ Ալիեւը սա է ասում. կարեւորն այն է, որ Հայաստանը ոչինչ չի պատասխանում: Կարո՞ղ ենք դիմել միջազգային լուսավոր հանրությանը, օգտագործենք ՄԱԿ-ի ամբիոնը, հիշենք բարեկամ երկրներին ու բարձրաձայնենք, նույնիսկ բղավենքՙ դարավոր ռազմավարական դաշնակից ջան, սիրելի միսթերներ ու մսյոներ, տարածքային ամբողջականություն դրոշակն արդեն 30 տարի ծածանող Բաքուն այսօր Հայաստանին տարածքային պահանջ է ներկայացնում: Մեզ կհավատան, քանի որ Սյունիքը, որից էլ միջանցք է ուզում Հեյդարի որդին, միջազգային հանրությունը ճանաչում է որպես Հայաստանի մաս, առայժմՙ անքակտելի: Եւ ամենեւին կարեւոր չէ այն, որ Փաշինյանն ու նրա հետ քաղաքացիական պայմանագիր կնքածները միաբերան ասում են, թե Բաքվի հետ միջանցքի հարց չի քննարկվում, կարեւորն այն կլինի, որ այս նույն կազմն օգտագործի պետական, լոբբիստական ու նաեւ անձնական (եթե այդպիսիք կան- Հ.Ա.) բոլոր կապերըՙ աշխարհին հայտնելուՙ Բաքուն Հայաստանի սուվերեն տարածքն է պահանջում ու սպառնում այն ուժով ստանալ:

Ինչո՞ւ Հայաստանը չի անում այս պարզ բանը: Հայաստանի խեղճացած մնալը ե՞ւս եռակողմ համաձայնագրի դրույթ է, Հայաստանը կորցրե՞լ է իր բոլոր բարեկամներին աշխարհում, էլ չունի՞, աշխարհում բոլորի՞ն է ձեռնտու, որ Էրդողանն իր հարազատ Ստամբուլում նստի մեքենա ու բաց, անարգել ճանապարհով հասնի Կասպից ծով, այնտեղից էլՙ համարյա Չինաստան: Ընդ որում այս վերջին հարցը, թերեւս ամենակարեւորն է, քանի որ եթե Հայաստանը որոշել է այլեւս խեղճ մնալ, ապա հաստատ կգտնվի օրինակ մի չինացի, որը կարգելի Թուրքիային իրագործել Մեծ Թուրան ծրագիրըՙ սեփական շահից ելնելով:

Իմիջիայլոց, չինացին պատահական չասացի. աշխարհի ամենամարդաշատ այդ երկրի ղեկավարի հետ Փաշինյանը պատրաստվո՞ւմ է հանդիպելՙ քննարկելու Մետաքսի ճանապարհի վերագործարկումըՙ հատկապես մեր տարածաշրջանային կոմունիկացիաները բացելու պատրաստակամության ֆոնին ու մանավանդ թյուրքական սուլթանության ստեղծման կանխարգելումը: Բայց երեւի այս հարցը տանք Վրաստանի վարչապետ Իրակլի Ղարիբաշվիլիին, չէ՞ որ նա հրաշալի տեղյակ է Փաշինյանի ցանկություններից ու հենց նա է Թուրքիայի նախագահին հայտնել, որ Հայաստանի ղեկավարն ուզում է հանդիպել նրա հետ:

Ամեն դեպքում հայտարարում եմՙ եթե մինչեւ այս տարվա վերջ Դանիան միջանցք չտրամադրի, որով Երեւանից կարողանամ հասնել Կոպենհագեն, ապա… կհասկանամ, որ Դանիան ամենեւին էլ խեղճացած երկիր չէ, ավելինՙ պետություն է:

ՀՈՎԻԿ ԱՖՅԱՆ

ShareTweetShare
Նախորդ գրառումը

ԷՐՏՈՂԱՆԸ ՄԻՋԱԶԳԱՅԻՆ ԲԵՄԱՀԱՐԹԱԿԻՆ ՎՐԱՅ. ՀՐՁԻԳԸՙ ՀՐՇԷՋԻ ԴԵՐՈՎ

Հաջորդ գրառումը

ԼՈՒՍԱՆԿԱՐՉԱԿԱՆ ԱՇԽԱՏԱՆՔՆԵՐԻ ՑՈՒՑԱԴՐՈՒԹՅՈՒՆ` ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅՈՒՆՈՒՄ

Համանման Հոդվածներ

26 սեպտեմբերի, 2025

Կրակոցներ ու զոհեր. հետո՞…

26/09/2025
26 սեպտեմբերի, 2025

Օրենքով եւ իրավունքով զբաղվեք

26/09/2025
26 սեպտեմբերի, 2025

Կբախվե՞ն Թուրքիան ու Իսրայելը

26/09/2025
26 սեպտեմբերի, 2025

ԱՄՆ-ին արտապատվիրակված տարածքը Աֆղանստանում

26/09/2025
Հաջորդ գրառումը

ԼՈՒՍԱՆԿԱՐՉԱԿԱՆ ԱՇԽԱՏԱՆՔՆԵՐԻ ՑՈՒՑԱԴՐՈՒԹՅՈՒՆ` ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅՈՒՆՈՒՄ

Արխիվ

Loading...
«Հոկտեմբերի 2025»
Երկ Երք Չրք Հնգ Ուր Շբթ Կիր
 12345
6789101112
13141516171819
20212223242526
2728293031  
« ՍեպտեմբերիՆոյեմբերի »

Վերջին լուրեր

Նորություններ

Վրաց-թուրքական սահմանային մաքսակետում հայտնաբերվել են մի քանի տասնյակ հազարի հասնող կեղծ անձնագրեր և այլ կեղծ փաստաթղթեր. Դանիելյան

02/10/2025

Վրաց-թուրքական սահմանային մաքսակետում 3 օր առաջ հայտնաբերվել են մի քանի տասնյակ հազարի հասնող կեղծ անձնագրեր և այլ կեղծ փաստաթղթեր։ Ըստ...

ԿարդալDetails

Վաշինգտոնը վաղուց է հետախուզական տվյալներով կիսվում Կիևի հետ. Պեսկով

02/10/2025

Քաղաքացին հունվարի 1-ից կարող է 50 000 դրամ թոշակն իր իսկ ձեռքով դարձնել 60 000. Արսեն Թորոսյան

02/10/2025

Եթե մինչև հիմա մեր բոլորի մոտ հարցեր են մնում, նշանակում է` ունենք խնդիրներ. ՄԻՊ-ը՝ «Զարյա-3» կիրառելու վերաբերյալ քննության մասին

02/10/2025

Անմեղության կանխավարկածի պահպանումը կարևոր է. Անահիտ Մանասյանը՝ Փարաքարի դեպքերի մասին

02/10/2025
logo-white1
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։

©2024 «ԱԶԳ» վերլուծական

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

Ոչինչ չի գտնվել
Տեսնել բոլոր արդյունքները
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները

© 2025 «ԱԶԳ» վերլուծական