ՄԵՐ ԵՐԿՐԻ ԱՆՈՒՆԻՑ ԷԼ ՀՐԱԺԱՐՎԵՑԻՆՔ

Աստիճանաբար պարզվում է, թե ինչպես ենք պարտվում. Հաղթանակից հետո Ադրբեջանը չի հանգստանումՙ շինհրապարակ է հատկապես այն վայրերում, որ նվաճել է 2020-ին, իսկ Հայաստանը, բարեբախտաբար դեռեւս ոչ գրավոր, կորցրած տարածքների բեռից ազատագրված ասես, պատրաստ է ավելացնել դրանց թիվը: Հանրությունն էլ համաձայն է: Իբր: «Հայաստանը խաղաղություն է ուզում», ձեւակերպում են այնպես, ասես պատերազմ հրահրողն ինքն է: Բռնակալ Ալիեւը Ֆիզուլիի «միջազգային» օդանավակայանը գործարկեց: Սեպտեմբերի 5-ին Բաքվից «Ղարաբաղ» խորհրդանշական օդանավով առաջին թռիչքը վերահաստատեց, որ հայկական Վարանդան նվաճել են: Իսկ մեր դեմոկրատ վարչապետը կարծես ադրբեջաներեն է սովորումՙ համենայնդեպս տեղանուններից է սկսել: Երեւի նրան ունկնդրելով է հանրությունը վճռել, որ Fly Arna-ն ազգային մեր փոխադրողին տրվող ամենագունեղ ձեւն էՙ առաջարկված 500 տարբերակից, ինչպես սեպտեմբերի 6-ին ծանուցում է aerotelegraph-ը: Ո՞վ կասի, թե Armenian National-ի առաջին երկու տառերից կազմված այս անունը մե՛ր երկրի մասին է հուշում: Ալիեւը պինդ բռնել է խորհրդանիշներից, ազգ է կերտում: Փաշինյանըՙ հրաժարվում է: Դեմո՞ս, թե՞ օխլոս: Իր սելֆին ենՙ երկուսն էլ: