Ազգային ժողովում պետական պահպանության ծառայության ու ոստիկանական աննախադեպ թվով ուժեր կենտրոնացնելը, պարզվում է, իշխանությանը չի բավարարում: Խորհրդարանի աշխատանքները լուսաբանող լրագրողների տեղաշարժը սահամանափակելուց, անվտանգության նոր վարքականոն մշակելուց ու պահանջներ դնելուց հետո, Ազգային ժողովի ղեկավարությունը մտադիր է նաեւ խորհրդարանը ցանկապատող պարիսպները բարձրացնել: Մեր տեղեկություններովՙ ԱԺ աշխատակազմը Դեմիրճյան փողոցի հատվածի ցանկապատն է ցանկանում բարձրացնել: Դա անելու համար սակայն նախ պետք է կրթության, գիտության, մշակույթի ու սպորտի նախարարության թույլտվությունն ունենալ, քանի որ ԱԺ շենքը հուշարձան է:
44-օրյա պատերազմից հետո ժողովրդական ցասմանն արժանացածները, ըստ երեւույթին, վախը սրտներում են ապրում: ԱԺ նախկին նախագահ Արարատ Միրզոյանի ծեծի դեպքը բոլորի աչքի առջեւ է, հետեւաբար մտածում են հնարավոր բոլոր ձեւերով ապահովագրվելու մասին: Սակայն հարց է առաջնումՙ ինչի՞ց է զգուշանում կամ վախենում իշխանությունը: Պարտության մասին հայտարարությունից առավել վատթար էլ ի՞նչ է մեզ սպասվում, որ Փաշինյանն ու թիմակիցները մարդկանց դատաստանի չարժանանալու համար հնարավոր բոլոր ձեւերով անջրպետվում են նրանցից:
