Ժամանակին Եշիգյուղը (Եշիլքոյ) Ստամբուլի գողտրիկ արվարձաններից էր` բարձրաճաշակ առափնյա առանձնատներով: Միշտ էլ ունեցել է հայ բնակչություն, հետեւաբար` հայկական եկեղեցի եւ դպրոց, հիմա էլ ունի: Վերջին տասնամյակներում, սակայն, այս արվարձանը բազմահարկ շենքերով վերածվեց պետոնակույտի, դարձավ քաղաքի թաղերից մեկը, ընդ որում «էլիտար»: Բավականին թանկ են այնտեղ բնակարանները:
Չունենալով բնակարան գնելու ցանկություն, նպատակհարմար ենք գտնում անդրադառնալ Եշիլգյուղի հայոց վարժարանի հաջողությանը: Այդ մասին մայիսի 18-ի համարում գրել էր պոլսահայ «Ժամանակ» թերթը, որից արտատպել է Կ. Պոլսո «Հայ Թերթ» կայքէջը:
Ահա թե ինչ է գրած վերջինում. «Գոհունակությամբ ենք արձանագրում Եշիլգյուղի սաների փայլուն հաջողությունը, որ նրանք վերջերս հասել են «Robotex Turkey 2021» դասարանի (6-րդ) սաներից Միլա Տեւեճեանը եւ Քրիս Օզհալլաճեանը մրցույթին ներկայացրել են «Unipsiko» ծրագիրը ուսուցչուհի Աղավնի Տուրասլանի հոկողությամբ եւ գրավել առաջին տեղը Թուրքիայի 680 միջվարժարանային խմբերի մեջ:
Երկրորդ տեղին է արժանացել նույն դպրոցի Է դասարանի (7-րդ) աշակերտներ Նիկոլ Թաշճեանի , Այգուն Ներսէսեանի եւ Սեւակ Ուչքարտեշի «Հակաճառագայթման պաշտպանություն» նախագիծը: Այսպիսով «Robotex International»ի եզրափակիչ փուլում, որն անցկացվելու է Էստոնիայում, Թուրքիան ներկայացնելու են Եշիլգյուղի հայոց վարժարանի աշակերտները: Միաժամանակ նշենք, որ «Robotex International Talinn»-ի շրջանակներում գործող «Robotex Turkey»ը մեծածավալ գիտական աշխատանքներ է տանում Թուրքիայում: Մեր աշակերտերին հաջողություն ենք մաղթում Էստոնիայում»:
