Հրեաները ներողություն են խնդրել հայերից
Այցելության մասին մայիսի 24-ին տեղեկացրել է Կ. Պոլսո «Հայ Թերթ» կայքէջը, իսկ 25-ինՙ «Ակօս»շաբաթաթերթը: Այցելությունը տեղի է ունեցել մայիսի 23-ին, Երուսաղեմի տարբեր կազմակերպությունները ներկայացնող շուրջ 200 հրեա ներողություն է խնդրել թաղամասի հայ բնակիչներիչ, հայտնելով իրենց համերաշխությունը Երուսաղեմի Հայոց պատրիարքարանին եւ հայ համայնքին:
Ինչո՞ւ են ներողություն խնդրել: Հարցին պատասխանել է «Ակօս»-ը, գրելով. «Մայիսի 18-ին երիտասարդ տարիքի մի խումբ արմատական հրեաներ հարձակվել էին Սրբոց Հակոբյանց վանք շտապող քահանա Սարուխանյանի վրա, ծեծի ենթարկել նրան: Քահանան տեղափոխվել էր հիվանդանոց, իսկ հարձակվողներից 3-ըՙ ձերբակալվել: Հրեաների այդ խմբին վանքում ընդունել են քահանաներ Տիրան Հակոբյանն ու Արբակ Սարուխանյանը, կողմերը քննարկել են համանման հարձակումների կանխարգելման խնդիրները»:
