Երեկ, Անվտանգության խորհրդի նիստում Նիկոլ Փաշինյանը հայտարարեց, որ Հայաստանը պաշտոնապես կդիմի ՀԱՊԿ-ին, քանի որ Սյունիքում ստեղծված իրավիճակը լիարժեք համապատասխանում է ՀԱՊԿ 2-րդ հոդվածի 2-րդ պարբերությանը, որով մեկ կամ մի քանի մասնակից պետությունների անվտանգությանը, տարածքային ամբողջականությանը, ինքնիշխանությանը սպառնացող վտանգի դեպքում մասնակից պետությունները անմիջապես կակտիվացնեն համատեղ խորհրդակցությունների մեխանիզմը:
ՀԱՊԿ գլխավոր քարտուղար Ստանիսլավ Զասը հեռախոսազրույց է ունեցել արտգործնախարարի պաշտոնակատար Արա Այվազյանի եւ պաշտպանության նախարարի պաշտոնակատար Վաղարշակ Հարությունյանի հետՙ քննարկելով ստեղծված վիճակը, իսկ ավելի վաղ ՀԱՊԿ մամուլի պատասխանատուն նշել էր, որ իրավիճակի զարգացման պարագայում կձեռնարկվեն միջոցառումներՙ նախատեսված ՀԱՊԿ կանոնադրությամբ:
